Búgin sottyń qaýlysy shyqty.
Almatyda soqtyǵysqan avtobýstardyń biriniń júrgizýshisi qamaýǵa alyndy, dep habarlaıdy Almaty-akshamy.kz qalalyq sottyń baspasóz qyzmetine silteme jasap.
«Sotqa deıingi tergeý organdarynyń kúdikti A-ǵa qatysty 2 aıǵa kúzetpen ustaý túrindegi bultartpaý sharasyn qoldaný týraly ótinishi sanksıalandy. Almaty qalasy tergeý sotynyń qaýlysy 11 qarashada shyqty», - delingen qalalyq sottyń baspasóz habarlamasynda.
Qamaýǵa alý merzimi 2023 jyldyń 9 qańtaryna deıin belgilendi.
Qaıǵyly oqıǵa 8 qarashada Tóle bı kóshesi men Abylaı han dańǵylynyń qıylysynda bolǵan edi.
201-shi baǵdardaǵy avtobýs ekinshi qoǵamdyq kólikti búıirinen soqqan. Saldarynan 21 adam medısınalyq kómekke júginip, 1 adam oqıǵa ornynda qaıtys boldy. 9 adam aýrýhana tósegine tańyldy. Onyń biri - on úshtegi jasóspirim.