Investorlar Qazaqstanda avtobólshekter óndirisin damytýǵa 410 mlrd teńge bólmek, dep habarlaıdy almaty-akshamy.kz Ónerkásip jáne qurylys mınıstrligi.
Óndiriste jergilikti ónimniń úlesin arttyrý taýardy halyqqa qoljetimdi etedi. Bul óndirýshige logıstıkalyq shyǵynyn azaıtyp, daıyn ónimniń ózindik qunyna da áser etedi.
Kólikterdiń jergilikti úlesin damytý úshin avtomobıldiń quramdas bólikteriniń bazasyn damytý kerek. Qazir Qazaqstanda gaz shyǵarý júıeleri, bamperler, sendvıch-panelder, polıýretandy tósenishter men plasmassa bólshekter, mýltımedıa, otyrǵyshtar, dóńgelekter, shınalar, sılındrlerdiń qaqpaqtary, mehanıkalyq berilis qoraptary, akýmýlátorlar shyǵarý jobalary iske asyrylyp jatyr, - dedi Ónerkásip komıteti tóraǵasynyń orynbasary Shyńǵys Súıinbaev Astanada ótken «Qazaqstandaǵy avtobólshekter bazasyn damytý múmkindikteri» atty halyqaralyq konferensıada.
Onyń aıtýynsha, elimiz kólik óndirisiniń kólemin 2024 jyly óndiriletin avtokólikterdiń jalpy kólemin 20%-dan 2027 jyly 50%-ǵa deıin kezeń-kezeńimen ulǵaıtýdy kózdep otyr.