Áýejaı prezıdenti Alp Er Týnga Ersoı jıi shaǵym túsetin basty máselelerdiń biri – kólik keptelisi qalaı sheshiletinin aıtyp ótti, dep habarlaıdy almaty-akshamy.kz.
Ókinishke oraı, qazir kólikter áýejaıǵa Maılın kóshesinen kiredi jáne osy kósheden shyǵady. Bul áýejaıǵa kirý jáne shyǵý kezinde keptelis týdyrady. Alaıda biz qazir qala ákimdigimen tyǵyz jumys istep jatyrmyz. Biz kólikter Ahmetov kóshesinen kirip, al Maılın kóshesinen shyǵatyndaı joldardy ózgertý jóninde usynys jasadyq. Bul másele qazir ýrbanıstermen de, ákimdikpen de birlesip pysyqtalýda. Sheshim qabyldanǵannan keıin biz qosymsha habarlaımyz, – dedi Alp Er Týnga Ersoı.
Sondaı-aq onyń aıtýynsha, búginde Almaty áýejaıynyń aýmaǵyna kún saıyn 16 myńǵa deıin avtokólik keledi. Olardyń 65%-y jolaýshylar ákeletin ne alyp ketetin kólikter.
Biz jolaýshylardy túsirý jáne otyrǵyzýǵa arnalǵan qosymsha jolaq jasadyq. Biraq, júrgizýshilerdiń kópshiligi, ásirese qarbalas ýaqytta, áýejaı aımaǵyndaǵy erejelerdi saqtamaıdy. Olar kólikti joldyń ortasynda qaldyryp ketedi nemese jol ortasyna toqtap, adamdardy túsiredi. Bul qosymsha keptelistiń qalyptasýyna áser etedi. Al jańa termınalǵa keletin bolsaq, ony iske qosqannan keıin bizde kólikterge arnalǵan úsh qosymsha jol jelisi jáne 1200 oryndyq avtoturaq bolady, – dep atap ótti áýe aılaǵynyń basshysy.