Halyqaralyq ambısıaǵa ıe otandyq brend
Elimizde óndiristik sektorǵa basa nazar aýdarylýda. Bul salaǵa aıtarlyqtaı úles qosyp otyrǵan otandyq kásiporyndardyń biri – «Avrora» kompanıasy. Óz qyzmetin turmystyq hımıa, kosmetıkalyq ónimder jáne medısınalyq taýarlar óndirý salasynda júrgizetin kásiporyn 15 jyldan beri Qazaqstan naryǵynda jetekshi orynǵa ıe.
«Avrora» kompanıasy 2010 jyly qurylyp, bastapqyda turmystyq hımıa men jeke kútimge arnalǵan ónimder shyǵarýmen aınalysty. Birtindep óndiris aýqymy keńeıip, kompanıa kosmetıka jáne medısınalyq taýarlar naryǵyna da salym sala bastady. Búginde ol keń kólemde óndiris júrgizetin, halyqaralyq standarttarǵa saı ónim shyǵaratyn, zamanaýı tehnologıalardy qoldanatyn kásiporynǵa aınaldy.
Qazirdiń ózinde «Avrora» eldegi iri óndirýshi ǵana emes, halyqaralyq ambısıaǵa ıe otandyq brend retinde belgili. Zamanaýı jańa tehnologıamen jabdyqtaý kompanıany joǵary óndiristik qýatqa ıe etken. Buǵan qosa kásiporynnyń sapany baqylaý júıesi halyqaralyq standarttarǵa sáıkes keledi.
Naqty maqsat pen senimdi qadam
Kompanıa birneshe negizgi baǵyt boıynsha qyzmet atqarady. Naqtyraq aıtsaq, turmystyq hımıa, parfúmerıa jáne kosmetıkalyq ónimderdi satý. Bul – búkil otbasyǵa arnalǵan turmystyq qajettilikter, ózin-ózi kútýge arnalǵan taýarlar jáne dezınfeksıalyq quraldar. Avrora ónimderiniń basty ereksheligi – olardyń ekologıalyq tazalyǵy men qaýipsizdigi. Bul kompanıanyń basty maqsaty tutynýshylarǵa sapaly ári adam densaýlyǵyna zıansyz ónimderdi usynýǵa basa nazar aýdarýy. Barlyq taýarlar halyqaralyq standarttarǵa sáıkes muqıat zerthanalyq tekserýlerden ótip, joǵary sapa talaptaryna tolyq jaýap beredi. Sonymen qatar, klıentterge yńǵaıly bolý úshin keń assortımentterin usynýda. Árbir ónim kúndelikti turmysqa qajettilikti eskere otyryp tańdalyp, zamanaýı tehnologıalar negizinde ázirlenedi. Kompanıa maqsaty – adamdardyń ómirin jeńildetetin, qaýipsiz ári sapaly ónimder usyný. Tutynýshylardyń senimi men qanaǵattanýy mańyzdy bolǵandyqtan kompanıa úshin sapa men ekologıalyq tazalyq – basty basymdyqqa ıe.
Halyqaralyq sapa standartyna saı
Kompanıada zamanaýı avtomattandyrylǵan óndiris jelileri bar. Bul tehnologıalar ónim sapasyn jaqsartyp qana qoımaı, óndiris tıimdiligin arttyrady. Sapa baqylaýy birneshe kezeńnen turady:
Shıkizatty tekserý – óndiriste qoldanylatyn barlyq materıaldar halyqaralyq standarttarǵa saı bolýy kerek.
Óndiris prosesin baqylaý – árbir ónim belgilengen tehnologıalyq talaptarǵa sáıkes jasalady.
Qaptamany tekserý – daıyn ónimniń qaptamasy, tańbalanýy jáne jaramdylyq merzimi muqıat tekseriledi.
Avrora ónimderi EKO jáne Halal sertıfıkattarynan ótken, bul olardyń sapasy men qaýipsizdigin dáleldeıdi. Kompanıa ókilderi jaqyn arada turmystyq hımıanyń jańa ónimderin – «Freya», «Qasper», «Klarita» syndy jańa ónimderin naryqqa shyǵarýdy josparlap otyrǵandaryn jetkizdi.
Nátıjeli jetistikter
Kompanıanyń negizgi taýarlar jelilerine mynalar kiredi:
· Akmasept – qoldarǵa arnalǵan antıseptık;
· Avrora Home Perfume – hosh ıisti dıfýzorlar;
· Effect, Washer – turmystyq hımıa;
· BooBoo – 2024 jyly shyǵarylǵan jańa balalar serıasy.
Utqyr ujym
Kompanıanyń jetistigi onyń qyzmetkerlerine tikeleı baılanysty. «Avrora» óndiristik kesheninde kóptegen mamandar eńbek etedi. Solardyń birnesheýimen tildesipte úlgerdik.
Mýhlısa Abdýlaeva, hımık-analıtık:
Men zaýytta hımık-analıtık bolyp jumys isteımin. Jumysqa kirgeli beri 7 aı ýaqyt ótti. Meniń negizgi mindetim – óndiriletin ónimderge tolyqtaı analıtıkalyq zertteý júrgizý, qaptamany tekserý jáne jaramdylyq merzimin baqylaý. Jumys maǵan óte unaıdy, joǵary jaýapkershilikti talap etse de tez úırenip ketken jumysym boldy.
Nurqajy Bekejan, mashınıst:
Men bul zaýytta 7 jyldan beri jumys istep kelemin. Meniń mindetim – óndiristik jabdyqtardy qosý, óshirý, iske qosý jáne matrısalardy aýystyrý. Men arnaıy oqý ornyn bitirmesem de, osy salada jumys isteý maǵan qatty unaıdy. Kásibı turǵydan damýǵa múmkindik kóp.
Qyzmetkerlerdiń pikiri «Avrora» kompanıasynyń jumys jaǵdaıynyń joǵary deńgeıde ekenin kórsetedi.
«Avrora» kompanıasy Qazaqstan naryǵynda senimdi ári sapaly ónim óndirýshi ekenderin jáne basty básekelestik artyqshylyqtary: joǵary sapa, qoljetimdi baǵa, ekologıalyq qaýipsizdik, jańashyldyq ekenin kórsetti.
Kompanıa Qazaqstandaǵy eń iri jáne senimdi óndiristik kásiporyndardyń biri. Ol zamanaýı tehnologıalardy, joǵary sapaly shıkizatty jáne kásibı mamandardyń eńbegin biriktire otyryp, tutynýshylarǵa eń sapaly ónimderdi usynýda. Kompanıanyń áleýmettik jaýapkershiligi, qyzmetkerlerge jasaıtyn qolaıly jaǵdaılary jáne úzdiksiz damýǵa degen umtylysy – onyń tabysty damýynyń basty faktorlary.
