Bıyl sý baǵasy qymbattaıdy.
Bul týraly Ulttyq ekonomıka mınıstri Álibek Kýantyrov málimdedi, dep habarlaıdy almaty-akshamy.kz. Mınıstrdiń pikirinshe, sý qoryn uqypty paıdalanbaý jáne arzan baǵa saldarynan ony agressıv túrde qymbattatýǵa bolady.
«Sý tarıfi óte arzan. Lıtrine – 4 tıyn. Árıne, biz sýdy uqypty paıdalanbaımyz. Eger siz qoǵamdyq monshaǵa barsańyz, aǵyl-tegil aqqan sýdy kóresiz. Osynyń ózi bizdiń sýdy durys paıdalanbaıtynymyzdy aıǵaqtaıdy. Al sý degenińiz – tirshilik kózi. Búgin Sý qory mınıstri elimizde sý tapshylyǵy oryn alýy múmkin ekenin eskertti. Sondyqtan sýdy únemdeýge tıistimiz», – dedi Á.Qýantyrov.
Sonymen, mınıstr bıyl sý tarıfi kóteriletinin jetkizdi.
Ol óz sózinde: «Iá, sý qymbattaıdy. Túbirtekterińizge qarańyzdar, kórsetkish óte tómen 200-300 ári ketse 500 teńge. Sondyqtan, sý tapshylyǵy bolmaýy úshin baǵany agressıv túrde qymbattatýǵa bolady. Bul qashan júzege asady? Ótinim túsken kezde», – dedi ol.