Aýyr indetti vaksınanyń kómegimen ǵana jeńe alamyz − Jandarbek Bekshın
20-39 jas aralyǵynda aýrý juqtyrǵandardyń mólsheri 40 paıyzdy quraıdy.
«Jasyl» aımaqqa kóshkeli bir aptadan asa ýaqyt bolǵan edi. Endi megapolıs qaıtadan «sary» aımaqqa kóshti, dep habarlady Almaty-akshamy.kz. Oǵan qalalyqtardyń erkinsip, indetpen kúres jaǵdaıynda saqtyq sharalaryn saqtamaýy sebep boldy ma? Bul jóninde «Almaty» telearnasynyń «Basty nazarda» baǵdarlamasynda aıtyldy.
Qala «jasyl» aımaqqa óter kezinde aýrý juqtyrǵandar sany azaıdy. Oǵan negizgi sebep retinde vaksına alýdyń óz áseri bar. Bul týraly Almaty qalasynyń Bas sanıtary Jandarbek Bekshın aıtty.
«Qalanyń «jasyl» aımaqqa ótýine vaksınanyń óz áseri boldy. İndet juqtyrǵandar sany azaıdy. Biz «jasyl» aımaqqa kóshkennen keıin turǵyndar erkinsip, saqtyq sharalaryn umytyp ketti. Bul durys emes. Kóbinese, aýrý kontıngentti jas aralyǵynda qamtıdy. 20-39 jas aralyǵynda aýrý juqtyrǵandardyń mólsheri 40 paıyzdy quraıdy. Al egde jastaǵylar indettiń áserin jaqsy túsindi. Vaksına alyp, ózine kútim jasap úırenip keledi. Sonyń arqasynda bul jastaǵylardyń aýrý juqtyrýy azaıdy. Qala «jasyl» aımaqta bolsyn desek, tek vaksınaǵa júginýimiz kerek. Aýyr indetti tek vaksına alyp qana jeńe alamyz», − dedi Jandarbek Bekshın.