Qalada 211 ekpe salu punktí jūmys ístep tūr. 1 257 adamnan tūratyn 304 egu brıgadasy bar.
Almaty qalasynda bír táulíkte 5 042 adam koronavırusqa qarsy vaktsına saldyrdy, dep habarlaıdy Almaty-akshamy.kz qalalyq qoǵamdyq densaulyq basqarmasynyń baspasóz qyzmetíne sílteme jasap.
Basqarma taratqan málímetke sáıkes, 21 mausym kúní 5 042 almatylyq vaktsına saldyrdy. Bıylǵy jyldyń 1 aqpany men 21 mausym aralyǵynda qalada barlyǵy 380 382 adamǵa ekpe salyndy. Qalada 211 punkt jūmys ístep tūr. 1 257 adamnan tūratyn 304 egu brıgadasy bar. Sonymen qatar, 40 kóshpelí mobıldí brıgada ūıymdastyryldy.
«Qazírgí medıtsınalyq ūıymdarda, mektepterde, mádenıet, sport obektílerínde, bazarlar men qalanyń SOSO-da vaktsınatsıya punktí jūmys ísteıdí», - dep naqtylady Qoǵamdyq densaulyq saqtau basqarmasy.
«Qala boıynsha vaktsınanyń qaldyǵy – bírínshí komponenttíń 69 168 dozasy jáne ekínshí komponenttíń 101 736 dozasy bar», - dep jazylǵan baspasóz qyzmetíníń habarlamasynda.