Tashkentte aýyr atletıkadan Azıa chempıonaty bastaldy, dep habarlaıdy almaty-akshamy.kz.
Jarystyń birinshi kúninde Qazaqstannyń atynan Aınur Abdyqalyqova óz ónerin ortaǵa saldy. 45 kelige deıingi salmaqta kúsh synasqan otandasymyz julqa kóterýde 62 keli, al serpe kóterýde 75 kelini baǵyndyryp, eki jattyǵýdyń qorytyndysy boıynsha 137 kelimen 4-orynǵa taban tiredi.
1-oryn. Von Sım Hún (Soltústik Koreıa) - 192 (86+106) keli
2-oryn. Sırıvımon Pramonghol (Taıland) - 163 (72+91) keli
3-oryn. Hong Zı-Ú (Taıpeı) - 162 keli (72+90)
4-oryn. Aınur Abdyqalyqova (Qazaqstan) - 134 (62+75) keli
Aldaǵy kúnderi jarys jolyna taǵy 6 otandasymyz shyǵady. Áıelder arasynda Araı Nurlybekova (87 kg) baq synasa, erlerdiń básekesinde Saıramkez Aqmolda (67 kg), Álibek Raqymberdi (81 kg), Aleksandr Ývarov (81 kg), Sergeı Petrovıch (89 kg) jáne Kırıll Staroverkın (96 kg) el nasymyn qorǵaıdy.
10 aqpanǵa deıin jalǵasatyn Azıa chempıonatynda Parıj Olımpıadasyna qatysýǵa múmkindik beretin reıtıńtik upaılar úlestiriledi.
Jarysqa 34 elden 192 atlet qatysyp jatyr.