Almatylyq avtokólik ıeleri onlaın rásimdegen qujattaryn mamandandyrylǵan HQO-ǵa barmaı-aq ala alady, dep habarlaıdy almaty-akshamy.kz «Azamattarǵa arnalǵan úkimet» memlekettik korporasıasy Almaty qalasy fılıalyna silteme jasap.
Osy jyldyń qańtarynan bastap almatylyq avtokólik ıeleri onlaın rásimdegen qujattaryn Mamandandyrylǵan HQO-larǵa barmaı-aq ala alatyn boldy. Endi Almaty qalasy Jandosov kóshesi, 51 mekenjaıynda ornalasqan Áýezov aýdandyq HQO ǵımaratynyń 2-shi qabatynda onlaın formatta rásimdelgen daıyn qujattardy berý sektory jumys isteıdi. Munda “kólik quraldaryn tirkeý” jáne “júrgizýshi kýálikteri” boıynsha daıyn qujattardy alýǵa bolady.
«Qala turǵyndary onlaın rásimdegen qujattaryn alysqa barmaı, qala ortalyǵynan alý úshin arnaıy sektor ashtyq. Munda kólik quraldaryna qatysty onlaın rásimdelgen qujattardyń daıyn nusqasyn alady. Osylaısha, kólik ıeleri ýaqytyn únemdeıdi. Qala turǵyndary onyń qolaılylyǵyn sezinip te jatyr. Bir aı ishinde munda 2 myńǵa jýyq (1787 qujat. Onyń 771-i kólik quralyn memlekettik tirkeý boıynsha, 1016-sy júrgizýshi kýálikteri) avtokólik ıeleri óz qujattaryn aldy», - deıdi «Azamattarǵa arnalǵan úkimet» memlekettik korporasıasy Almaty qalasy fılıaly dırektorynyń orynbasary Aınash Aýbakırova.
Daıyn qujattardy berý sektory dúısenbi men juma aralyǵynda tańǵy 9:00-den 18:00-ge deıin úzilissiz jumys isteıdi.
Almaty fılıalynyń avtokólik ıelerine jasaǵan jaǵdaılary tek bul ǵana emes. "AllurAuto", "Húndaı", "Mycar" "Aster auto" "Chanqan» sıaqty 9 avtosalonda AvtoHQO mamandary kólik quraldaryn memlekettik tirkeý boıynsha qujattardy qabyldap otyr.
Esterińizge sala ketsek, Almaty qalasynda avtokólik ıelerine arnalǵan 4 Mamandandyrylǵan HQO jumys isteıdi. Olar:
№ 1 mamandandyrylǵan HQO - Alataý aýdany, Saıaly sh/a, Aqqaınar kóshesi, 1
№ 2 mamandandyrylǵan HQO - Túrksib aýdany, B. Maılın kóshesi, 240a
№ 5 mamandandyrylǵan HQO, Túrksib aýdany, Qaırat sh/a, Qulja traktisi, 9 k
№ 6 mamandandyrylǵan HQO - Jetisý aýdany, Kemel sh/a, Aqsýat kóshesi, 118.
Almaty MHQO-lary jumys kestesi dúısenbiden jumaǵa deıin 9:00-den 18:00-ge deıin. (Senbi kúni kezekshi - №1 MHQO saǵat 9-dan 13.00-ge deıin jumys isteıdi).
Ótken jyly Almaty qalasynyń Mamandandyrylǵan halyqqa qyzmet kórsetý bólimderi arqyly 1,3 (1 280 252) mıllıonǵa jýyq memlekettik qyzmet kórsetildi.