Aýyldardy damytý úshin qosymsha 55 mlrd teńge bólinedi. Bul týraly QR Ulttyq ekonomıka vıse-mınıstri Baýyrjan Omarbekov Ortalyq komýnıkasıalar qyzmetinde ótken brıfıńte aıtty, dep habarlaıdy Almaty-akshamy.kz Azattyq Ruhy-na silteme jasap.
«Sońǵy jyldary barlyǵy 1 031 aýyl jobalarmen qamtyldy. «Aýyl – el besigi» jobasyna 143 mlrd teńge bólinip, 736 aýylda 1 500-den astam joba iske asyrylady. Sonymen qatar, 2023 jylǵy respýblıkalyq búdjetti naqtylaý aıasynda qosymsha 55 mlrd teńge bólý josparlanyp otyr», - dedi Omarbekov.
Ol ataǵandaı, bul 120-dan astam turǵyn úı-kommýnaldyq sharýashylyq nysanyn, 275 áleýmettik ınfraqurylym nysanyn jáne 1 300 kólik ınfraqurylymy jobasyn iske asyrýǵa múmkindik beredi.
«Budan basqa aýyldyq jerlerde kadrlyq áleýetti arttyrý maqsatynda 2009 jyldan bastap «Dıplommen aýylǵa» jobasy iske asyrylyp jatyr. 2009 - 2022 jyldardyń qorytyndysy boıynsha 95 myń maman kóterme járdemaqy jáne 45 myń maman turǵyn úı satyp alý úshin búdjettik kredıtter aldy. Sondaı-aq, bıyl «Dıplommen aýylǵa» jobasyn iske asyrýǵa turǵyn úı satyp alý úshin búdjettik kredıtter berýge 3 800 mamanǵa 20 mlrd teńge bólindi», - dedi ol.