Bul tekserýge 18 jastan bastap aýyl turǵyndary qaralýyna bolady.
Densaýlyq saqtaý mınıstrligi qyrkúıektiń ortasynan bastap aýyl halqyna skrınıng júrgizý boıynsha pılottyq jobany iske qosady, dep habarlaıdy Almaty-akshamy.kz
Vedomstvo málimetinshe, 18 jastan bastap jańa nysanaly toptardy anyqtaý arqyly aýyl turǵyndaryn skrınıngpen qamtýdy ulǵaıtý tásilderi qaıta qaraldy.
«Buryn aýyl jastary 30 ben 70 jas aralyǵyndaǵy adamdarǵa júrgiziletin skrınıngtik tekserýlerden tys qalatyn. Endi aýyldarda nysanaly toptar aıqyndaldy. Olar: «Jastar» – 18-den 29 jasqa deıin, «Eńbek – 1» – 30-dan 44 jasqa deıin, «Eńbek-2» – 45-ten 65 jasqa deıin jáne «Zeınetker» – 66 jastan asqandar», – deıdi densaýlyq saqtaý mınıstri Ajar Ǵınıat.
Mınıstrdiń aıtýynsha, bıyl qyrkúıek aıynyń ortasynda aýyl halqyna skrınıng jasaý boıynsha pılottyq joba bastalady. Ol eń aldymen Qaraǵandy (Abaı aýdandyq ortalyq aýrahanasy), Aqmola (Arshaly aýdandyq ortalyq aýrahanasy) jáne Almaty oblysynda ( Eńbekshiqazaq aýdanynyń ortalyq aýrhanasy) iske qosylady. Keıinirek bul tájirıbe basqa óńirlerde kezeń-kezeńmen engiziledi.