Bul týraly Óńirlik komýnıkasıalar qyzmetinde ótken brıfıńte Almaty qalalyq energetıka jáne sýmen jabdyqtaý basqarmasynyń basshysy Sanjar Alın aıtty, dep habarlaıdy Almaty-akshamy.kz.
Elektrmen senimdi jabdyqtaýdy qamtamasyz etý maqsatynda basqarma 10 joba (Alataý, Jetisý, Medeý jáne Túrksib aýdandary) boıynsha jumystar júrgizýde, onyń ishinde aǵymdaǵy jyly 4 joba aıaqtalady, qalǵan jobalar 2023 jyly aıaqtalady.
«Qazir iri energonysandar salynyp jatyr: 400 myń tutynýshyny qamtıtyn eki qosalqy stansıanyń – «Almagúl» jáne «Tuzdybastaýdyń» qurylysy iri obektilerdiń biri bolyp tabylady. «Almagúl» qosalqy stansıasynyń qurylysyn jyl sońyna deıin, al «Tuzdybastaý» qosalqy stansıasynyń qurylysyn kelesi jyldyń shildesine deıin aıaqtaý josparlanyp otyr», - dep habarlady S. Alın.
Alataý jáne Bostandyq aýdandarynda 5 joba ázirlený satysynda, onyń memlekettik saraptama qorytyndysyn osy jyldyń sońyna deıin alý josparlanǵan.
ÓKQ spıkeri taǵy bir baǵyt – megapolıste syrtqy jaryqtandyrýdy ornatý týraly aıtty.
«Qalanyń aýdandyq ákimdikteri 511 jaryqtandyrylmaǵan kósheniń tizbesin jasady, olarǵa 6 854 sham, 6 705 tirek ornatýdy josparlap otyrmyz, 8 aýdan boıynsha jelilerdiń uzyndyǵy – 210 km», - dep jalǵastyrdy S. Alın.
Bıyl 22 magıstraldy kósheni jańǵyrtýdy aıaqtaý jáne 4 myńnan astam jaryq núktesin aýystyrý josparlanýda.