Úkimet «Aýylda densaýlyq saqtaýdy jańǵyrtý» jobasy aıasynda Qazaqstan aýyldaryndaǵy medısınalyq mekemelerdi salý jáne jóndeý úshin rezervten 39,9 mlrd teńge bóldi, dep habarlaıdy almaty-akshamy.kz premer-mınıstrdiń baspasóz qyzmetine silteme jasap.
Ulttyq joba 655 alǵashqy medısınalyq-sanıtarlyq kómek nysandaryn salýdy jáne ortalyq aýdandyq aýrýhanalardy jańǵyrtýdy kózdeıdi. Qujattama daıyn bolǵan aýyldyq eldi mekenderde 297 alǵashqy medısınalyq kómek nysanyn salýǵa 40 mlrd teńge jumsalady. Olarǵa medısınalyq pýnktter, feldsherlik-akýsherlik pýnktter jáne dárigerlik ambýlatorıalar jatady.
Sonymen qatar bólingen qarajattyń bir bóligi myna aýrýhanalardy jóndeýge jumsalady:
Arqalyq óńirlik aýrýhanasy perzenthanasynyń ǵımaratyndaǵy kúrdeli jóndeý jumystaryn aıaqtaýǵa;
Stepnogorsk kópsalaly qalalyq aýrýhanasynyń eki blogyn kúrdeli jóndeýge;
Atbasar kópsalaly aýdanaralyq aýrýhanasynyń bas ǵımaratyn kúrdeli jóndeýge;
Balqash qalasynyń Ortalyq aýrýhanasyn kúrdeli jóndeý jumystaryn bastaýǵa;
Balqash qalasynyń Kópsalaly aýrýhanasynyń angıografıalyq ota jasaıtyn bas korpýsyna qosymsha ǵımarat salýǵa jáne angıografıalyq qondyrǵyny ornalastyrýǵa;
Shıeli kópsalaly ortalyq aýdandyq aýrýhanasynyń ǵımaratyna qosymsha blokty japsarlas sala otyryp, kúrdeli jóndeýge jáne sol jerde 30 tósek-orynǵa arnalǵan juqpaly aýrýlar bólimshesiniń qurylysyna aýdarylady.