«Báıterek» ulttyq basqarýshy holdıńi» AQ Indýstrıa jáne ınfraqurylymdyq damý, Aýyl sharýashylyǵy jáne Ekologıa, geologıa jáne tabıǵı resýrstar mınıstrlikterimen birlese aýyl sharýashylyǵy tehnıkasyn jeńildetilgen lızıńke berý baǵdarlamasyn iske qosady, dep habarlaıdy Almaty-akshamy.kz Inform.kz-ke silteme jasap.
Baǵdarlamanyń qarjylyq operatorlary – «Ónerkásipti damytý qory» AQ jáne «QazAgroQarjy» AQ. Aýyl sharýashylyǵy tehnıkasyn jeńildetilgen lızıńke berý baǵdarlamasyn iske asyrý úshin 40 mlrd. teńge bólinedi, onyń 30 mlrd teńgesin «Ónerkásipti damytý qory» AQ «Jasyl Damý» (ÓKM operatory) AQ qarajatynan jáne 10 mlrd teńgesin «QazAgroQarjy» AQ kapıtal naryǵynan tartady.
Baǵdarlamaǵa qatysý úshin ótinimderdi qabyldaý «QazAgroQarjy» AQ-nyń barlyq fılıaldarynda aǵymdaǵy jyldyń 5 tamyzynda bastalady.
Ótinimderdi qaraýdy, sondaı-aq otandyq óndiristegi aýyl sharýashylyǵy tehnıkasyn lızıńke berýdi «QazAgroQarjy» AQ kelesi sharttarda júzege asyrady:
1. Lızıń merzimi – 10 jylǵa deıin;
2. Syıaqy mólsherlemesi – jyldyq 6%;
3. Lızıń boıynsha bastapqy jarna (avanstyq tólem) – lızıń nysanasy qunynyń 0%;
4. Negizgi boryshty óteý boıynsha jeńildik kezeńi – 1 jyl;
5. Qarjylandyrý kólemi – bir lızıń alýshyǵa 205 000 000 (eki júz bes mıllıon) teńgeden jáne bir lızıń alýshyǵa aýyl sharýashylyǵy tehnıkasynyń úsh birliginen artyq emes. Sondaı-aq, qarjylandyrýdyń bir lızıń alýshyǵa eki jyldyq kezeń ishinde bir retten jıi emes usynylýy - mańyzdy shart.
Baǵdarlamaǵa kelesi otandyq óndiristegi ózdiginen júretin aýyl sharýashylyǵy tehnıkalary qatysady: •
LOVOL, DEUTZ FAHR, TURAN, KIROVES, BELARÝS, RSM, YTO, CLAAS XERION, DONG FENG, WUZHENG markaly traktorlar;
• ESSIL, VECTOR, ACROS, TORUM, CLAAS TRION, DEUTZ FAHR markaly astyq jınaıtyn kombaındar (kúrish kombaındary);
• Súrlem jınaıtyn kombaındar: jemshóp jınaıtyn joǵary ónimdi kombaın (JJK), jemshóp jınaıtyn ózdiginen júretin kombaın (JÓK).
Aýyl sharýashylyǵy tehnıkasyn óndirýshilerdiń tizimine: «AgromashHoldıng KZ» AQ, «Qostanaı traktor zaýyty» JSHS, «Qazaqstan Agro ınovasıalyq korporasıasy» JSHS, «SemAZ» JSHS, «Kazrost Engineering Ltd.» JK, «ST ESEMBLI» JSHS, «KazKioti» JSHS, «MTZ-Qazaqstan mashına jasaý zaýyty» JSHS kiredi. Aýyl sharýashylyǵy tehnıkasyn jeńildetilgen lızıńke berý baǵdarlamasy shegindegi qarjylandyrýdyń revolverlik sıpatta bolatynyn, ıaǵnı qoldanystaǵy lızıńti óteýden túsetin tólemderdiń jańa qarjylyq lızıń sharttaryn jasasýǵa qaıta jiberiletinin aıta ketý kerek.
Baǵdarlamanyń ózi 20 jylǵa eseptelgen.