Aýdan turǵyndarymen kezdesý barysynda kóptegen ótinishterge baılanysty Almaty qalasynyń ákimi Erbolat Dosaev aýdan ákimderine kópbalaly analarmen aı saıynǵy kezdesýler uıymdastyrýdy tapsyrǵan edi.
Almaty qalasynyń ákimi bekitken kestege sáıkes, aǵymdaǵy jyldyń shilde aıynda aýdan ákimderi kópbalaly analarmen 8 kezdesý ótkizdi.
Kezdesýge barlyǵy 99 kópbalaly otbasy keldi, ákimderge 126 suraq qoıyldy. Onyń ishinde 52 saýalǵa túsinikteme berildi, 37 suraq kezdesýden keıin pysyqtaldy, taǵy 37-si jumys ústinde.
Negizgi suraqtar:
-
turǵyn úı alý (kezekke qoıý) – 30 (24%);
-
bilim berý (balalardy mektepter men balabaqshalarǵa ornalastyrý, mektep formasy, Artsport baǵdarlamasy) – 29 (23%);
-
áleýmettik járdemaqylar (AÁK, azyq – túlik jıyntyqtary) – 25 (20%);
-
TÚKSH jáne abattandyrý (gazdy qosý, sýmen jabdyqtaý jáne sý burý) – 14 (11%);
-
jumysqa ornalastyrý – 15 (12%);
-
basqalary – 13 (9,5%).
Qala ákimi 2022 jyldyń tamyz aıyna aýdan ákimderiniń kópbalaly analarmen kezdesýiniń tıisti kestesin bekitti.
Aýdan ákimderiniń tamyz aıyndaǵy qaladaǵy kópbalaly analarmen kezdesý kestesi:
4 tamyzda kópbalaly analarmen kezdesý Áýezov aýdanynda saǵat 10:00 Áýezov aýdany ákiminiń apparatynda ótedi, mekenjaıy Altynsarın dańǵyly, 23.
12 tamyzda kezdesý saǵat 10:00 Naýryzbaı aýdany ákiminiń apparatynda ótedi, mekenjaı Shuǵyla shaǵyn aýdany, 347 úı.
16 tamyzda kezdesý saǵat 10:00 Alataý aýdany ákiminiń apparatynda ótedi, mekenjaıy Shańyraq-2 shaǵyn aýdany, Janqoja batyr kóshesi, 26.
17 tamyzda kezdesý saǵat 10:00 Almaly aýdanyndaǵy «Baqytty otbasy» qoldaý ortalyǵynda ótedi, mekenjaıy Naýryzbaı batyr kóshesi,106 a.
18 tamyzda kezdesý saǵat 10:00 Medeý aýdanyndaǵy № 172 mektep- gımnazıada ótedi, Qarqaraly kóshesi 15.
24 tamyzda kezdesý saǵat 10:00 Bostandyq aýdanyndaǵy «Baqytty otbasy» qoldaý ortalyǵynda ótedi, mekenjaıy Rozybakıev kóshesi, 250.
26 tamyzda kezdesý saǵat 10:00 Túrksib aýdanyndaǵy «Baqytty otbasy» qoldaý ortalyǵynda ótedi, mekenjaıy R.Zorge kóshesi, 9.
26 tamyzda kezdesý saǵat 10:00 Jetisý aýdanyndaǵy «Baqytty otbasy» qoldaý ortalyǵynda ótedi, mekenjaıy Jansúgirov kóshesi, 65.