Qytaıdyń Shyńjań-Uıǵyr avtonomıalyq ólkesinde (SHUAÓ) koronavırýs oshaǵy anyqtaldy. Sońǵy 24 saǵatta bul aımaqta COVID-19 ınfeksıasynyń belgileri bolmaǵan toǵyz naýqas tirkelgen, dep habarlaıdy Almaty-akshamy.kz Inform.kz-ke silteme jasap.
Qytaı Halyq Respýblıkasynyń Densaýlyq saqtaý isteri jónindegi memlekettik komıtetiniń málimetinshe, sońǵy táýlikte SHUAÓ-de koronavırýstyń belgileri bolmaǵan toǵyz naýqas anyqtaldy.
Jergilikti BAQ-tyń habarlaýynsha, COVID-19 vırýsyn tasymaldaýshy toǵyz adamnyń jeteýi Inın qalasynda tirkelgen. İndettiń aldyn alý jáne baqylaý jónindegi jergilikti shtabtyń málimeti boıynsha, Inın qalasynan ketetin jolaýshylar ushýǵa deıin 24 saǵat ishinde koronavırýsqa PTR synamasynan ótýi tıis. Buǵan deıin Úrimji qalasynda vırýs juqtyrý belgileri bolmaǵan bir tasymaldaýshy anyqtalǵan.
Jalpy, QHR Densaýlyq saqtaý isteri jónindegi memlekettik komıtet málimetinshe, sońǵy táýlikte materıktik Qytaıda koronavırýs ınfeksıasyn juqtyrýdyń 400-ge jýyq jaǵdaıy anyqtaldy.