Qazaqstan Respýblıkasynyń Premer-Mınıstriniń tapsyrmasyn oryndaý aıasynda aýyl sharýashylyǵyn sýbsıdıalaýdyń tıimdiligin anyqtaý úshin Mınıstrlik qarsy mindettemelerdi ózektendirý boıynsha jumys júrgizip, sýbsıdıalaý erejelerine úsh baǵyt boıynsha ózgerister engizdi.
Bul ózgerister agroónerkásiptik keshenniń (taýarlar nemese qyzmetter) jalpy óniminiń kólemin aqshaǵa shaqqanda ótken jylǵy deńgeıden ósirýdi nemese saqtaýdy qamtamasyz etýge baǵyttalǵan qarsy mindettemelerdi engizýdi qarastyrady, dep habarlaıdy akshamnews.kz ASHM-ge silteme jasap.
Aýyl sharýashylyǵy taýar óndirýshisiniń mindettemelerdi oryndaý deńgeıi Memlekettik sýbsıdıalaý aqparattyq júıesinde tirkeledi.
Eger mindettemeler qatarynan 2 jyl boıy oryndalmasa, sýbsıdıa alý úshin ótinim berý múmkindigi toqtatylady.
Qazaqstan Respýblıkasynyń Aýyl sharýashylyǵy mınıstriniń «Shyǵys Qazaqstan oblysy Glýbokoe aýdanynda agroónerkásiptik keshen sýbektileriniń ósimdik sharýashylyǵy jáne mal sharýashylyǵy salalary boıynsha sýbsıdıalaý baǵyttary aıasynda qarsy mindettemeler qabyldaý jónindegi pılottyq jobany iske asyrý jáne jumys tobyn qurý týraly» buıryǵyna sáıkes, Shyǵys Qazaqstan oblysy Glýbokoe aýdanynda ósimdik sharýashylyǵy men mal sharýashylyǵy salalary boıynsha sýbsıdıa alýshylardyń qarsy mindettemeler qabyldaý pılottyq jobasy júzege asyryldy.
Pılottyq jobany iske asyrý nátıjesinde, sybaılas jemqorlyq táýekelderin boldyrmaý jáne baǵa qubylmalylyǵynyń naqty óndiris ósimine áserin joıý, sondaı-aq agroónerkásiptik keshen ónimderiniń naqty óndiris kólemin aıqyndaý maqsatynda QR ASHM keıbir buıryqtaryna ózgerister men tolyqtyrýlar engizildi.
Aýyl sharýashylyǵy taýar óndirýshileriniń qarsy mindettemeler qabyldaý mehanızmin talqylaý maqsatynda QR «Atameken» UKP Prezıdıýmy agroónerkásiptik keshen músheleriniń qatysýymen ASHM keńes ótkizdi.
Ósimdik sharýashylyǵy, mal sharýashylyǵy jáne aýyl sharýashylyǵy ónimderin óńdeý baǵyttary boıynsha sýbsıdıalar alý kezinde aýyl sharýashylyǵy taýar óndirýshileriniń qarsy mindettemeler qabyldaý mehanızmin talqylaý jónindegi keńes hattamasynda 2024 jylǵa belgilengen baǵany paıdalaný arqyly qarsy mindettemeler qabyldaý mehanızmin júzege asyrý usynysy maquldandy.
Sondaı-aq qarsy mindettemelerdi birinshi ret oryndamaǵan jaǵdaıda sýbsıdıaǵa ótinim berý múmkindigin 1 jyldan keıin, al qaıtadan oryndamaǵan jaǵdaıda 2 jyldan keıin qaıta jandandyrý usynysy maquldandy.