Aqtaý qalasyndaǵy áýejaı mańynda jolaýshylar ushaǵynyń apatqa ushyraýy saldarynan zardap shekken 29 adamnyń 27-si Mańǵystaý oblystyq aýrýhanasyna jetkizildi.
Pasıentter ártúrli jaraqattarmen, negizinen birneshe zaqymdarmen kelip tústi, bul mıdyń jabyq jaraqaty, mıdyń shaıqalýy, keýde qýysynyń jabyq jaraqattary, travmatıkalyq shok, dep habarlaıdy aqshamnews.kz.
QR DSM usynǵan aqparatqa saı, 26 jeltoqsan kúni tańerteń 11 pasıent reanımasıa bólimshesinde, 13 - travmatologıa bólimshesinde, 2 - neırohırýrgıa bólimshesinde, 1 – hırýrgıa bólimshesinde em aldy.
Pasıentterdiń jaǵdaıy boıynsha: ekeýi asa aýyr jaǵdaıda, 11 aýyr jaǵdaıda, 14 – ortasha aýyrlyq dárejesinde, 2 pasıenttiń shaǵymy joq, qanaǵattanarlyq jaǵdaıda.
11 pasıenttiń segizi ókpeni jasandy jeldetý apparatynda jatyr jáne dárilik sedasıa, tonıkter qabyldaýda. Kelip túsken kezde barlyq zardap shekkenderge qajetti zerttep-qaraý túrleri júrgizildi, jaǵdaıy turaqtanǵannan keıin beıini boıynsha emdeýge jatqyzyldy.
Densaýlyq saqtaý mınıstrligi zardap shekkenderge medısınalyq kómek tolyq kólemde kórsetiletinin atap ótti.
Dárigerler aýyr pasıentterdiń jaǵdaıyn turaqtandyrý úshin barlyq múmkin sharalardy qabyldaýda, aýrýhana dári-dármektermen, jabdyqtarmen jetkilikti túrde qamtamasyz etilgen.
Buǵan deıin habarlanǵandaı, Astanadan Aqtaýǵa áýe apatynan zardap shekkenderge medısınalyq kómek kórsetý úshin sanıtarıalyq avıasıa ushaǵy jiberilgen.
Bortta quramynda eki reanımatolog, 4 travmatolog, neırohırýrg jáne kombýstıolog bar QR Densaýlyq saqtaý mınıstrliginiń Ulttyq shuǵyl medısınany úılestirý ortalyǵynyń mobıldik brıgadasy keldi.
Zardap shekkenderdiń jaǵdaıy jáne olardyń emdelý barysy týraly qosymsha derekter aqparat jańartylǵan saıyn usynylatyn bolady.
Reseı tarapymen kelissózderden, mamandardyń konsýltasıalarynan keıin búgin RF Apattar medısınasynyń bortymen Aqtaýdan Máskeýge 9 pasıent, Reseı azamattary jiberildi.