Qazaqstanda zańsyz júrgen 322 sheteldik elden shyǵaryldy
Sheteldikterdiń QR-da bolýyn kózdelgen erejelerin múltiksiz oryndaýdy qamtamasyz etý maqsatynda 27 maýsym men 4 shilde aralyǵynda el boıynsha «Nelegal-2022» jedel aldyn alý is-sharasy júrgizeledi, dep habarlaıdy Almaty-akshamy.kz.
Polısıa shara aıasynda sheteldikterdiń kóp turatyn jerlerine, qurylys obektilerine, bazarlarǵa, uıymdardyń jáne sheteldikterdiń jaldamaly eńbegin zańsyz paıdalanatyn jumys berýshilerge tekserý júrgizedi, sondaı-aq avtokólik quraldaryn tekseredi.
Operasıanyń eki kúninde kóshi-qon zańnamasynyń 3 762 quqyq buzýshylyǵy tirkeldi, sheteldikterdiń eńbek qyzmetin zańsyz júzege asyrǵany úshin – 1 239, sheteldikterdiń eńbegin ruqsatsyz paıdalanǵan 207 jumys berýshi, sheteldikterdiń kelýi týraly İİO-yn ýaqtyly habardar etpegeni jáne elde bolý erejelerin qamtamasyz etkeni úshin 1 509 quqyq buzýshylyq anyqtaldy.
Sottardyń sheshimi boıynsha elden 322 sheteldik shyǵaryldy. Sonyń ishinde 646 adam májbúrlep shyǵaryp jiberý úshin arnaıy qabyldaý oryndaryna qamaldy. Mysaly, polısıa qyzmetkerleri Shymkentte úsh sheteldik azamatty anyqtap, ustady.
Tekserý barysynda elge memlekettik shekaradaǵy ótkizý pýnktin aınalyp ótip, zańsyz kelgendigi belgili boldy. Sotqa deıingi tergeý barysynda olarǵa turǵyn úıdi zańsyz berip, kelimsekterdiń zańsyz bolýyna múmkindik jasaǵan Qazaqstan Respýblıkasynyń azamatshasy anyqtaldy. Atalǵan faktiler boıynsha sotqa deıingi tergeý jumystary júrgizilip jatyr.