Bul sektorǵa óńdeý ónerkásibiniń jalpy qalalyq kóleminiń 28%-y tıesili.
Qazaqstan Respýblıkasynyń Aýyl sharýashylyǵy mınıstri Erbol Qarashókeev Almatyǵa jumys sapary aıasynda Almatynyń ındýstrıalyq aımaǵyndaǵy «BRB APK» JSHS jylyjaı keshenine bardy, dep habarlaıdy Almaty-akshamy.kz QR Aýyl sharýashylyǵy mınıstrliginiń baspasóz qyzmetine silteme jasap.
Qazirgi tańda aýdany 17 ga bolatyn jylyjaıda zamanaýı golandıalyq tehnologıalar (ósimdikti topyraqta emes, qorektik eritindide ósirý, tamshylatyp sýarý júıesi jáne t.b.) qoldanylady, bul jylyna 7,2 myń tonnaǵa deıin kókónister ósirýge múmkindik beredi. Jobaǵa 7,8 mlrd. teńge ınvestısıa salyndy, 200 adam jumyspen qamtylǵan.
2016 jyly jylyjaı iske qosylǵaly beri otandyq óndirýshi ishki naryqty joǵary sapaly kókónistermen (qyzanaq, qıar, bolgar buryshy, baıaldy jáne t.b.) qamtamasyz etedi.
Sapar barysynda Erbol Qarashókeev tamaq ónerkásibi salasyndaǵy qaıta óńdeý kásiporyndary – «Bekker jáne K» JSHS, «Bıjan «MÓZ» JSHS, «Maslodel» JSHS, «Eýrazıan Fýds Korporeıshn» AQ jáne t.b. basshylarymen kezdesip, túıtkildi máseleler men Almaty qalasynyń qaıta óńdeý salasyn odan ári damytý josparyn talqylady.
Almaty - elimizdegi eń iri azyq-túlik taýarlaryn tutynýshy men óndirýshiniń biri. 2022 jyldyń 11 aıynda tamaq ónimderin óndirý kólemi 279,2 mlrd. teńge boldy, bul ótken jylǵa qaraǵanda 1,4%-ǵa artyq. Qala boıynsha tamaq ónimderin óndirý salasynda 250-ge jýyq (26 iri jáne orta) kásiporyn jumys isteıdi. Bul sektorǵa óńdeý ónerkásibiniń jalpy qalalyq kóleminiń 28%-y tıesili.