Testileý kompúterlik formatta ótti.
Magıstratýranyń qysqy konkýrs qorytyndysy shyqty, dep habarlaıdy Almaty-akshamy.kz Ǵylym jáne joǵary bilim mınıstrligine silteme jasap.
«Magıstratýrada oqýǵa arnalǵan bilim berý granttary keshendi testileý sertıfıkattarynyń baldaryna sáıkes konkýrstyq negizde berildi. Otyrys qorytyndysy boıynsha 1774 adam memlekettik bilim berý grantynyń ıegerleri atandy, onyń ishinde beıindik magıstratýra boıynsha - 100 grant», - delingen Ǵylym jáne joǵary bilim mınıstrliginiń habarlamasynda.
Oqýǵa qabyldaý 10 qańtarǵa deıin júzege asady. Al oqý JOO-nyń Akademıalyq kúntizbesine sáıkes bastalady. Memlekettik bilim berý granty ıegerleriniń tizimimen mınıstrliktiń Telegram-arnasy arqyly tanysýǵa bolady.
Keshendi testileý 28-1 jeltoqsan aralyǵynda kompúterlik formatta ótti. Magıstratýrada bilim berý grantyn berý konkýrsyna qatysý úshin qujattardy qabyldaý 6-12 jeltoqsan aralyǵynda júzege asyryldy. Bilim berý granttaryn berý konkýrsyna barlyǵy 2029 adam qatysty.
Memlekettik granttar respýblıkalyq komısıa otyrysynyń qorytyndysy boıynsha berildi, onyń quramyna memlekettik organdardyń, úkimettik emes uıymdardyń ókilderi, jýrnalıser jáne Qazaqstan Stýdentter alánsynyń ókilderi kirdi.