Barlyq ister boıynsha aktıvterdi qaıtarýǵa qatysty júıeli jumys júrip jatyr.
Qaırat Satybaldyǵa qatysty is boıynsha basqa da epızodtar tergelip jatyr. Bul týraly QR Sybaılas jemqorlyqqa qarsy is-qımyl agenttigi tóraǵasynyń orynbasary Ulan Sarqulov aıtty, dep habarlaıdy Almaty-akshamy.kz QazAqparatqa silteme jasap.
«Basty is boıynsha tergeý amaldary aıaqtalyp, sheshim shyǵaryldy. Ary qaraı tıisti jumystar júrgiziledi, basqa derekter tergelip jatyr», - dedi U. Sarqulov.
Onyń aıtýynsha, barlyq ister boıynsha aktıvterdi qaıtarýǵa qatysty júıeli jumys júrip jatyr. Qylmystyq ister prokýratýranyń baqylaýynda tur.
«Tergeý qupıalyǵyn saqtaý máselesi bar ekenin túsiný kerek. Eger barlyq derekterdi ashyq jarıalasaq, onda bul áreket tergeýge kedergi keltirýi múmkin», - dedi agenttik tóraǵasynyń orynbasary.
Budan buryn habarlanǵandaı, bıyl qyrkúıek aıynda Qaırat Satybaldy 6 jylǵa sottalǵan edi.