Taraptar iske asyratyn jobalardy talqylady.
QR Aýyl sharýashylyǵy mınıstri Erbol Qarashókeev Eýropa men Ortalyq Azıadaǵy ornyqty damý jónindegi óńirlik dırektor Stıven Shonbergermen, Dúnıejúzilik banktiń Qazaqstandaǵy turaqty ókili Jan-Fransýa Martomen kezdesti, dep habarlaıdy Almaty-akshamy.kz QazAqparat-qa silteme jasap.
Mınıstrlik málimetinshe, taraptar aýyl sharýashylyǵy jobalaryn iske asyrýdaǵy yntymaqtastyqtyń qazirgi jaǵdaıy men keleshegin talqylady. Dúnıejúzilik bank ókilderi QR Aýyl sharýashylyǵy mınıstrligi qabyldap jatqan is-sharalarǵa joǵary baǵa berdi. Atap aıtqanda, salany sýbsıdıalaý, qarjylandyrý, veterınarlyq qyzmetterdi jetildirý, jaıylymdyq jerlerdi basqarý, mal sharýashylyǵy sektoryndaǵy parnıktik gaz shyǵaryndylary júıesin jetildirý, usaq fermerlerge qyzmet kórsetetin ınstıtýttardy nyǵaıtý sıaqty basym baǵyttar baǵalandy. Erbol Qarashókeev Aýyl sharýashylyǵy mınıstrligi veterınarlyq qyzmet kórsetý men janýarlardy esepke alý júıesin jetildirý, fermerlik modelderdi ilgeriletý, et ındýstrıasy úshin tıimdi agroekologıalyq saıasatty iske asyrý salalaryna kúsh salatynyn aıtty.