Eki mıllıard adamnyń artyq salmaǵy.
Álem boıynsha júz mıllıonǵa jýyq adam jetkilikti tamaqtanbaıdy nemese semizdikpen aýyrady. Sol sebepti azyq-túlikti óndirý men tutyný ádisterine ózgeris engizý kerek. Bul týraly BUU Bas hatshysy Antonıý Gýterrısh Nú-Iorktegi BUU-nyń shtab-páterinde ótken Bas Assambleıanyń 76-shy sesıasy aıtty, dep habarlaıdy Almaty-akshamy.kz QazAqparat-qa silteme jasap.
«Úsh mıllıard adam durys tamaqtanbaıdy. Eki mıllıard adamnyń artyq salmaǵy bar nemese semizdikpen aýyrady. Al 462 mıllıon adam ashtyqta ómir súrýde», - dedi BUU basshysy.
BUU basshysy jańa ekologıalyq qaýipsiz azyq-túlik júıelerin qurý qajet dep sanaıdy. Antonıý Gýterrısh pen samıttiń ózge qatysýshylary azyq-túlik júıelerin qaıta qarap, adamdardyń densaýlyǵyn jaqsartý, olardyń ál-aýqatyn kóterip, ǵalamshardy saýyqtyrý úshin úsh negizgi maqsat qoıýdy usynyp otyr. Onyń aıtýynsha, azyq-túlik júıeleri barlyq adamnyń densaýlyǵy men ál-aýqatyn nyǵaıtýǵa yqpaldasýy kerek jáne ǵalamshardy qorǵaýy tıis. Oǵan qosa, júıeler tek qana bıznes pen úleskerlerdiń ál-aýqatyn emes, sonymen qatar fermerler men azyq-túlik ónerkásibinde qyzmet etetin jumysshylardy qoldaýy kerek.