Eýroodaq Qazaqstandaǵy klımattyń ózgerýine qarsy kúrestiń ınovasıalyq sheshimderin qoldaıdy.
Búgin elimizdegi 70-ke jýyq aqparattyq tehnologıalar salasynyń stýdentteri men mamandary klımattyq máselelerdi azaıtý maqsatymen eń úzdik taza tehnologıalyq sheshim tabý úshin Almatydaǵy EU Ecohackathon baıqaýyna qatysty, dep habarlaıdy Almaty-akshamy.kz.
İs-sharany Eýropalyq Odaqtyń Qazaqstandaǵy Ókildigi Eýroodaq klımattyq dıplomatıasy jáne Eýroodaq pen Qazaqstannyń bilim, ǵylym, zertteýler jáne ınovasıalar salasyndaǵy yntymaqtastyǵy sheńberinde uıymdastyrdy. 48 saǵat ishinde hakaton qatysýshylary ózderiniń ınovasıalyq ıdeıalary men jobalaryn kelesi salalarda usyndy: ınovasıalar, sıfrlandyrý, joǵary tehnologıalar, jasyl tehnologıalar, jasyl qarjy, taza tehnologıalar, 4-shi ónerkásiptik revolúsıa, klımattyń ózgerýi, jańa salalar, turaqty damý.
«Bizdiń hakatonymyzdyń maqsaty – Qazaqstandaǵy jasyl jáne turaqty damý boıynsha jańa ınovasıalyq ıdeıalar men jobalardyń damýyna sebeptesý. Osy eki kún ishinde hakaton qatysýshylary qundy tájirıbe jınap, biliktiligin damytty degen úmittemiz. Bul olardyń bolashaqta óziniń startaptaryn quryp, álemdi jaqsartýǵa múmkindik ashady dep oılaımyz», - dedi Eýropalyq Odaqtyń Qazaqstandaǵy Elshisi Kestýtıs Iankaýskas.
Ekohakatonǵa barlyǵy 12 joba usynyldy. Qazylar alqasy úzdik úsh topty tańdady:
Farmer toby. Joba tamaq qaldyqtaryn tabıǵı tyńaıtqyshqa óńdeýmen baılanysty. Qatysýshylar ózderiniń ıdeıalaryn tıimdi iske asyrýdyń úsh kezeńin kórsetti: tamaq qoqystaryn jınaý, tamaq qoqystaryn tyńaıtqysh pen konsentratqa qaıta óńdeý, sodan keıin tyńaıtqyshty satý jáne tamaq qoqystaryn jınaý qyzmetin usyný.
Lilo toby. Bul mobıldi eko qosymshasy, ol jeke tapsyrmalardy kúntizbe retinde aıaqtaýǵa kómektesedi, al Lio komandasy jeke maqsattaryńyzǵa jetken saıyn bir aǵashty otyrǵyzady. Joba jazylym boıynsha jumys isteıdi, al aǵashtar qosymshadaǵy jarnama arqyly satyp alynady.
Eco menu toby. Joba mekemelerde qaǵaz mázirler men chekterdi azaıtýǵa baǵyttalǵan. Ecomenu - bul restoratorlar mázirdi elektrondy formatta júkteı alatyn platforma, al kelýshiler ony telefonnyń kamerasyn QR kodyna baǵyttaý arqyly kóredi.
Osy kúzde jeńimpazdar Estonıaǵa IT jáne startap ındýstrıasyndaǵy eýropalyq tájirıbeni zertteý úshin tanysý saparymen barady.
«Estonıa - Eýropa men álemdegi eń sıfrlandyrylǵan elderdiń biri. Men jeńimpazdardyń Estonıanyń startaptar qaýymdastyǵymen kezdesetinine qýanyshtymyn. IT salasy ózgeristerdiń uly jolserigi, hakaton barysynda ázirlengen úzdik sheshimder iske asatynyna senemin», - dedi Estonıanyń Qazaqstandaǵy Elshisi Toomas Tırs.
Hakaton barysynda qatysýshylar tehnıkalyq, salalyq jáne bıznes-sarapshylardyń kómegin alyp, startaptardyń tabysty negizin qalaýshylardyń tájirıbesin zerdelep, qaldyqtardy qaıta óńdeý jáne kádege jaratý boıynsha trenıńten ótti.
Hakatonnyń seriktesi jáne MOST bıznes-ınkýbatorynyń bas dırektory Alım Hamıtov bul is-shara qala men jergilikti startaptar ekojúıesi úshin jarqyn oqıǵa bolǵanyn atap ótti.
«Pandemıa bastalǵannan qalada mundaı aýqymdy is-sharalar ótkizilmedi. Eýroodaq bastamasynyń arqasynda biz daryndy jastarǵa serpin bere aldyq. Qatysýshylar ıdeıadan prototıpke deıin jetti jáne qazylar alqasyna jumys isteıtin sheshimderin usyndy. Stýdentter tálimgerler men baıandamashylardan praktıkalyq bilim aldy, al jeńimpazdar sapardan jańa bilimmen oralady dep úmittenemin», - dedi A.Hamıtov.
Barlyq qatysýshylarǵa alǵys sertıfıkattar berildi. Sonymen qatar, Eýroodaq ókildigi men Eýroodaq elderiniń Qazaqstandaǵy elshilikteri jeńimpazdarǵa baǵaly syılyqtar tabystady.
«Úzdik ıdeıa» nomınasıasyn qaıta óńdelgen plasıkten jasalǵan kıim brendi Piper utyp aldy, «Inovasıalyq sheshim» nomınasıasy ekologıalyq taza taýarlar marketpleısi bar Zhasyl tobyna berildi jáne «Tıimdi marketıńtik strategıa» nomınasıasyn balalarǵa arnalǵan tegin Eco Challenge onlaın ekologıa kýrstarynyń toby jeńip aldy.
İs-sharada Keremet Art galereıasynyń uıymdastyrýymen qazaqstandyq sýretshi Alpamys Batyrovtyń sıfrlandyrylǵan art-performansy usynyldy.
EU EcoHackathon Estonıanyń Qazaqstandaǵy Elshiliginiń, Halyqaralyq IT Ýnıversıtetiniń (Nýrjan Dýzbaev), MOST, IBC Group (Kýrmet Aýbakırov), Eco Network (Anna Gýdarzı) kompanıasynyń, Kýrmet Áýbákirovtyń Jeke Qorynyń, Almaty qalasy ákimdiginiń jáne «Atameken» Ulttyq Kásipkerler Palatasynyń qoldaýymen ótti.