Almatydaǵy qoımalardyń birinde jedelsaty jumysshyny basyp qaldy.
21 jastaǵy jigit alǵan jaraqatynan sol jerde kóz jumdy. Qaıǵyly oqıǵa Túrksib aýdanyndaǵy "Norma Logistics" JSHS qoıma kesheniniń aýmaǵynda bolǵan, dep habarlaıdy aqshamnews.kz
Áleýmettik jelilerde taraǵan aqparatqa sáıkes, jumysshy dánekerleý jumystaryn júrgizip jatqanda jedel satynyń astynda qalyp qoıǵan.
Atalǵan jaǵdaıǵa qatysty Almaty qalasynyń Polısıa departamentiniń baspasóz qyzmetinen pikir bildirdi.
"Túrksib aýdandyq polısıa Basqarmasy eńbek qaýipsizdigi erejelerin buzý deregi boıynsha qylmystyq is qozǵady. Kisi óliminiń sebebin anyqtaý maqsatynda sot-medısınalyq saraptama taǵaıyndaldy. Sonymen qatar, oqıǵanyń obektıvti mán-jaılaryn anyqtaýǵa baǵyttalǵan tergeý sharalary kesheni júrgizilip jatyr", - dedi Almaty qalasy polısıa departamentiniń resmı ókili Saltanat Ázirbek.