Qajahmet Balahmetov 95 jasqa toldy.
Memleket basshysy Qasym-Jomart Toqaev otandyq bilim berý salasynyń ardageri Qajahmet Balahmetovti 95 jasqa tolǵan mereıtoıymen quttyqtady, dep habarlaıdy Almaty-akshamy.kz.
Bilim jáne ǵylym mınıstrligi baspasóz qyzmetiniń habarlaýynsha, Prezıdent tarapynan ardagerge Alǵys hat joldanyp, tósbelgi tabys etildi. Olardy mereıtoı ıesine QR Bilim jáne ǵylym mınıstri Asqat Aımaǵambetov tabystady.
«Elimizdiń jalpy bilim beretin orta jáne joǵary oqý oryndaryn, Oqý-aǵartý mınıstrligin basqaryp, qalalyq jáne oblystyq halyq depýtattary keńesteriniń, Qazaq KSR Joǵary Keńesiniń depýtaty bolǵan kezińizde qoǵam úshin aıanbaı eńbek etip, otandyq bilim jáne ǵylym salasyn damytýǵa belsene atsalystyńyz. Sizdiń qalamyńyzdan týǵan ǵylymı jumystaryńyz atalǵan salanyń zerttelýine qosylǵan eleýli úles boldy. El ıgiligi jolynda atqarǵan jemisti eńbegińiz úshin Sizge alǵysymdy bildirip, torqaly 95 jasqa tolǵan mereıtoıyńyzben shyn júrekten quttyqtaımyn. Denińizge saýlyq, áýletińizge amandyq tileımin», – degen sózdermen Prezıdent rızashylyǵyn bildirdi.
Qajahmet Balahmetov Qazaq KSR Oqý-aǵartý mınıstrligin 13 jyl basqardy.