Almatyda qala turǵyndary tańerteńnen bastap AES qurylysy máselesi boıynsha referendýmda daýys berýde. Saılaý ýchaskelerinde elimizdiń ǵalymdaryn, jazýshylaryn, akterlerin, ánshileri men basqa da ataqty adamdaryn baıqaýǵa bolady. Keıbir ýchaskelerde kezekter baıqalady.
Belgili qoǵam qaıratkeri Áýt Dáýituly Másimov te Qazaqstanda atom elektr stansıasyn (AES) salý máselesi boıynsha referendýmǵa qatysty, dep habarlaıdy aqshamnews.kz.
Áýt Másimov referendýmǵa qatysý - árbir azamat úshin atom elektr stansıasynyń qurylysy sıaqty memleket úshin mańyzdy másele boıynsha óz pikirin bildirý úshin mańyzdy múmkindik ekenin atap ótti.
"Referendým árqaısymyzǵa óz pikirimizdi bildirýge jáne elimizdiń bolashaǵyna úles qosýǵa múmkindik beredi. Bul árbir qazaqstandyq úshin mańyzdy dep sanaımyn. Búgin men óz tańdaýymdy jasadym ", - dep atap ótti Áýt Másimov.
Esterińizge sala keteıik, búgin Qazaqstanda saǵat respýblıkalyq referendým ótip jatyr. Saǵat 14.00-gi jaǵdaı boıynsha halyqtyń 51,77% daýys berdi. Almatyda saǵat 20.00-ge deıin 624 saılaý ýchaskesi jumys isteıdi.