Ol óziniń ornyna syrtqy ister mınıstri Aleksandr Shallenbergti usyndy.
Aýstrıa kansleri Sebastán Kýrs sybaılas jemqorlyqqa qatysty týyndaǵan daýdan keıin qyzmetinen ketti, dep habarlaıdy Almaty-akshamy.kz Egemen.kz-ke silteme jasap.
Sondaı-aq Kýrs bastaǵan taǵy toǵyz adam tergeýge alynǵan. Oǵan memleket qarajatyn tabloıdtyq gazetterde óziniń oń ımıjin qalyptastyrýǵa paıdalandy degen aıyp taǵyldy. Alaıda Kýrs onyń bárin joqqa shyǵardy.
«Buǵan deıin meni qylmystyq áreketter jasady dep aıyptady. Onyń bári 2016 jylǵy oqıǵaǵa qatysty. Biraq onyń bári – jalǵan, men bul máseleni anyqtaı alatynyma senimdimin», - dedi Kýrs senbi kúni Venadaǵy kansler keńsesinde ótken baspasóz máslıhatynda.
Degenmen, kansler qyzmetinen ketýge májbúr bolǵanyn jetkizdi. Óıtkeni Parlamenttegi «Jasyldar» partıasy jemqorlyqqa qatysty daýdan keıin Kýrsty qoldamaıtynyn málimdegen. Olar kanslerge senimsizdik bildiremiz dep qorqytqan opozısıalyq partıalarmen kelissózderdi bastap ketti.
«Jasyldar» partıasynyń jetekshisi jáne vıse-kansler Verner Kogler Kýrstyń otstavkasyn quptady. Son-daı-aq Shallenbergpen jumys isteýge daıyn ekenin bildirip, olardyń «óte konstrýktıvti» qarym-qatynasta ekenin jetkizdi.