Ulttyq murajaıda «Vologodsk shilteri» jyljymaly kórmesi ótedi.
12 qazanda Nur-Sultanda Reseıdiń Qazaqstandaǵy Mádenıet kúnderi bastalady, dep habarlaıdy Almaty-akshamy.kz QazAqparat agenttigine silteme jasap.
Atap aıtqanda, 12 qazan kúni saǵat 19:00-de «Qazaqstan» Ortalyq konsert zalynyń sahnasynda jetekshi reseılik oryndaýshylar men Qazaq memlekettik sımfonıalyq orkestriniń qatysýymen gala-konsert ótedi. Konsertke halyqaralyq baıqaýlardyń laýreattary Anna Aglatova (soprano), Vladıslav Kýprıanov (barıton), Vladımır Magomadov (kontratenor), Konstantın Emelánov (fortepıano), Aleksandr Ramm (vıolonchel), Gaık Kazazán (skrıpka) Anastasıa Túrına (balalaıka) qatysady. Sonymen qatar qazaq ánshileri óner kórsetedi. Dırıjer púltinde – Osetıa Respýblıkasy – Alanıanyń eńbek sińirgen ártisi Zaýrbek Gýgkaev.
12-19 qazan aralyǵynda Qazaqstan Respýblıkasynyń Ulttyq murajaıynda Vologodsk memlekettik tarıhı-sáýlet jáne óner murajaı-qoryǵynyń jınaqtary usynylatyn «Vologodsk shilteri» jyljymaly kórmesi ótpek. Kórmeniń resmı ashylýy – 12 qazan, saǵat 16:00-de (QR Ulttyq murajaıy).
Reseıdiń Qazaqstandaǵy Mádenıet kúnderi Reseı Federasıasynyń Mádenıet mınıstrligi jáne Qazaqstan Respýblıkasynyń Mádenıet jáne sport mınıstrliginiń qoldaýymen ótedi. Sharany uıymdastyrýshy – «Roskonsert» Federaldy mádenıet mekemesi.
Mádenıet kúnderi Reseı men Qazaqstannyń mádenıet salasyndaǵy dástúrli dostyq yntymaqtastyǵyn nyǵaıtý men damytýǵa baǵyttalǵan, sonymen qatar shynaıy qundylyqtar men mádenı muralardy odan ári saqtaýǵa yqpaldasýǵa shaqyrady.