Arına Sobolenkomen bas júldeni sarapqa salǵan edi.
Qazaqstannyń birinshi, álemniń 25-raketkasy Elena Rybakına Aýstralıa ashyq chempıonatynyń fınalynda dúnıejúzilik reıtıńide 5-orynda turǵan Belarýs tenısshisi Arına Sobolenkomen bas júldeni sarapqa saldy, dep habarlaıdy Almaty-akshmy.kz Sports.kz silteme jasap.
Buǵan deıin qazaqstandyq tenısshi Ýımbldon chempıony atansa, qarsylasy «Úlken dýlyǵa» týrnıriniń fınalyna alǵash ret shyǵyp otyr.
Sportshylardyń ekeýiniń de boılary uzyn, olar dop bergende, eısti kóp jasaıdy ári soqqylaryn qaıtarý qıyn. Alǵashqy eki geımde solaı boldy da. Degenmen, esep 1:1 bolǵan mezette qazaqstandyq tenısshi breıkpen alǵa shyqty. Belorýssıalyq sportshy qaıyra breık jasap, tarazy basyn teńestirdi – 4:4. Budan keıin Elena Rybakına taǵy bir breıkpen birge óz geımin ala bildi – 6:4.
Ekinshi partıada A. Sobolenko breıkpen alǵa ketti – 3:1. Sosyn óz múmkindigin jibergen joq – 6:3.
Úshinshi, sheshýshi sette esep 3:3 bolǵan mezette belorýssıalyq tenısshi breık jasaı aldy. Aqyry machty jeńispen túıindedi – 6:4.
Osylaısha, A. Sobolenko alǵash ret «Úlken dýlyǵa» týrnıriniń chempıony atandy.
Bas-aıaǵy 2 saǵat 29 mınýtqa sozylǵan tartysty báseke barysynda E. Rybakına 9 breık jasap, 6 breık-poınttyń ekeýin paıdalandy. Qarsylasy 17 eıs, 3 breıkpen (13 breık-poınt) kózge tústi.