Áskerı ınfraqurylymdarda birneshe qýatty jarylys boldy.
Shyǵys Ázirbaıjan provınsıasyndaǵy Shahıd-Salımı qalasynda qozǵaltqysh maılaryn shyǵaratyn iri zaýyt órtendi. Ushqyshsyz ushatyn apparattar ortalyq provınsıadaǵy Isfahan qalasynda áskerı qoıma men oq-dári óndiretin ortalyqqa shabýyldady, dep habarlaıdy Almaty-akshamy.kz BBC News agenttigine silteme jasap.
Irannyń batysyndaǵy Dızfýl qalasynda da avıabazada jarylys bolyp, eldiń batysyndaǵy Hamadan men soltústigindegi Resht qalalarynda órt bolǵan.
Jarylystyń daýysy Tegeran qalasynan da estilip jatyr. Jergilikti turǵyndardyń habarlaýynsha, ákimshilik ǵımarattarǵa shabýyl jasalǵan.
Kýágerlerdiń sózinshe, Iranda ushaqtar kókke kóterildi. Irannyń Qorǵanys mınıstrligi oq-dári óndiretin ortalyqtardyń birine ushqyshsyz ushatyn aparattardyń shabýyldaǵanyn rastap otyr.
«28 qańtar kúni saǵat 23:30-dar shamasynda ushqyshsyz ushatyn apparattardy paıdalanyp, Qorǵanys mınıstrliginiń ortalyqtarynyń birine sátsiz shabýyl jasaldy», - delingen vedomstvonyń habarlamasynda.
Apparattardyń birin áýe qorǵanys júıesi atyp túsirgen. Taǵy eki apparat «qorǵanys qaqpanyna» túsip, jarylyp ketti.
Qazirgi tańda mert bolǵandar men zardap shekkender týraly málimet joq.