Qarsylastar buǵan deıin Indıan-Ýells týrnırinde kezdesken.
Aýstralıa ashyq chempıonatynda búgin Qazaqstannyń birinshi, álemniń 25-raketkasy Elena Rybakına jartylaı fınalda dúnıejúzilik reıtıńte ózinen bir saty joǵary turǵan Belarýs ókili Vıktorıa Azarenkomen oınaıdy, dep habarlaıdy Almaty-akshamy.kz QazAqparatqa silteme jasap.
V.Azarenko E.Rybakınadan baqandaı on jasqa úlken, tájirıbesi de molyraq.
2012 jáne 2013 jyldary Aýstralıa ashyq chempıonatynyń jeńimpazy bolǵan V.Azarenko kezinde álemniń 1-raketkasy atandy.
Keıingi jyldary sábıli bolýyna jáne jaraqatyna baılanysty burynǵy bıigine kóterile qoıǵan joq. Alaıda bıylǵy Aýstralıa birinshiliginde sheber oıyn órnegin kórsetip kele jatqan Vıktorıa taǵy bir chempıondyqtan úmitin úzgen joq.
Al ótken jyly Ýımbldon chempıony atanǵan 23 jastaǵy E.Rybakına naǵyz der shaǵynda. Sondyqtan mamandar aldaǵy machta ekeýiniń de múmkindikteri teń dep baǵalap otyr.
Qarsylastar buǵan deıin ótken jyly Indıan-Ýells (AQSH) týrnırinde kezdesip, onda E.Rybakına 6:3, 6:4 esebimen utqan edi. Saǵat jarymnan astam ýaqytqa sozylǵan báseke barysynda qazaqstandyq tenısshi 5 eıs jasap, 8 breık-poınttyń ekeýin paıdalanǵan. V.Azarenko 3 eıs jasaǵanymen, birde-bir breıkke qol jetkize almaǵan edi.
Bul joly oıyn qalaı órbıdi, ony aldaǵy mach kórsetedi.
Jartylaı fınaldyq báseke Astana ýaqytymen saǵat 14.30-da bastalady.
Eske sala keteıik, budan buryn Aýstralıa chempıonatynda Elena Rybakınanyń alǵash ret jartylaı fınalǵa shyqqanyn jazǵan bolatynbyz.
Sondaı-aq Elena Rybakınanyń jartylaı fınaldaǵy qarsylasy anyqtaldy.
Qazaqstandyq tenısshiler halyqaralyq týrnırlerdi jeńispen bastady.
Aýstralıa chempıonatynda jartylaı fınalǵa shyqqan tenısshiler anyqtaldy.