«Ekibastuzjylýenergo» JSHS jaýapqa birneshe ret tartyldy
«Ekibastuzjylýenergo» JSHS-ǵa 1,1 mln teńgege aıyppul salyndy, dep habarlaıdy Almaty-akshamy.kz Pavlodarnews.kz saıtyna silteme jasap.
Tehnologıalyq buzýshylyqtyń sebebin anyqtaý úshin Ekibastuz JEO-da eki komısıa quryldy. Onyń birinshisi JEO-daǵy, ekinshisi jylý jelilerindegi buzýshylyqtardy tekserdi.
Atom jáne energetıkalyq baqylaý komıtetiniń aýmaqtyq departamentiniń basshysy Rınat Kákimjanovtyń aıtýynsha, Ekibastuz JEO-da tehnologıalyq buzýshylyqtyń sebebi: hımıalyq seh personaly qorektendirý sorǵylaryn qate qosqan. Al personaldyń atalǵan sorǵyny qosýyna ımpúlstik jeliniń qatyp qalýynan jylý jelisiniń keri qubyryndaǵy qysymdy kórsetetin elektrkontaktili monometrdiń durys kórsetpeýi sebep bolǵan.
«Ekibastuzjylýenergo» JSHS jaýapqa birneshe ret tartyldy.
Aldymen, Ákimshilik kodekstiń eki baby boıynsha jazalandy. Atap aıtqanda, 300-babymen — elektr stansıalary men jelilerin tehnıkalyq paıdalanýdyń bekitilgen erejelerin; elektr stansıalary men jylý jelileriniń jylý mehanıkalyq jabdyqtaryn paıdalaný kezindegi qaýipsizdik tehnıkasyn; tutynýshylardyń elektr qondyrǵylarynyń tehnıkalyq eksplýatasıasyn; energıa tutynýdyń belgilengen rejımderin buzǵany úshin. 301-2-shi babymen – tehnologıalyq buzýshylyqtar týraly aqparat berý týraly talaptardy buzǵany úshin.
Osydan keıin JSHS jospardan tys tekserý kezinde jaýapkershilikke tartyldy. Máselen, Ákimshilik quqyq buzýshylyq týraly kodekstiń 300-baby – «Jylý jelilerin tehnıkalyq eksplýatasıalaýdyń bekitilgen erejelerin buzǵany» úshin aıyppul arqalady.
İster qysqartylǵan is júrgizý tártibimen qaraldy. Salynǵan aıyppuldar somasy 1 110 750 teńgeni qurady.
Eske sala keteıik, ótken jyly 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.