Kúdikti qamaýǵa alyndy.
Onyń osyǵan uqsas 10 urlyqqa qatysy bar ekendigi anyqtaldy, dep habarlaıdy Almaty-akshamy.kz Rolisia.kz-ke silteme jasap.
Almatyda fıtnes-klýbtarda urlyq jasap júrgen 32 jastaǵy Iý.esimdi azamat bolyp shyqty. Ol basqa jaqtan kelgen. Almatyda jaldamaly páterde turady, turǵylyqty jerin únemi aýystyryp turǵan.
«Ol tek fıtnes-klýbtarda urlyq jasap júrgen. Jattyǵý zaldaryna klıenttiń atyn jamylyp kelip, jalǵan jeke derekter boıynsha bir rettik jattyǵýǵa jazylyp, jattyǵý zalynda jarty saǵattan artyq bolmaı, keıin kıim aýystyratyn bólmege qaraı ketken. Ol jerde kelýshilerdiń jeke zattarynan sóreniń kiltin taýyp alyp, olardy ashyp, ózimen birge bótenniń aqshasyn, telefondary men zergerlik buıymdaryn alyp ketken. Kúdikti qamaýǵa alyndy. Sotqa deıingi tergeýdiń osy kezeńinde qaskóıdiń osyǵan uqsas 10 urlyqqa qatysy bar ekendigi anyqtaldy. Biz basqa da yqtımal epızodtardy joqqa shyǵarmaımyz. Bul baǵyttaǵy jumystar jalǵasady», – deıdi Almaly aýdandyq Polısıa basqarmasynyń bastyǵy Esen Ysqaqov.
Sonymen qatar ol Iý. esimdi azamattyń buryn múliktik qylmys jasaǵany úshin qylmystyq jaýapkershilikke tartylǵanyn aıtty.