Olar teokratıalyq dıktatýraǵa qaıta oralyp jatyr.
«Talıban» qozǵalysynyń joǵarǵy jetekshisi Haıbatýlla Ahýnzada aýǵan sýdıalaryna sotta jáne úkim shyǵarýda sharıǵat zańdaryn qoldanýdy buıyrdy, dep habarlaıdy Almaty-akshamy.kz Central Asian cilteme jasap.
Bul qylmys jasaǵany úshin jaza retinde kópshilik aldynda jazalaý, taspen atý, bas pen aıaq-qoldy kesý degendi bildiredi. Talıbandar ótken jyldyń tamyz aıynda bılikke oralǵannan keıin basqarý ádisi 1990 jyldarmen salystyrǵanda áldeqaıda jumsaq bolatynyn ýáde etkenimen, olar teokratıalyq dıktatýraǵa qaıta oralyp jatyr.
Ahýnzada bılerdi ıslam zańy boıynsha «hýdýd» sanatyna jatatyn, jazalary qatań belgilengen jáne jeńildetý múmkin emes qylmystarǵa erekshe nazar aýdarýǵa shaqyrdy. Bul urlyq, tonaý, zınaqorlyq nemese oǵan jalǵan jala jabý, ishimdik ishý jáne dinnen shyǵý. Quqyq qorǵaýshylar qorqatyndaı, úkimettiń pikirine qaıshy keletin kez kelgen azamattyq áreketti «joldan shyǵý» sanatyna jatqyzýǵa bolady.
Ótken jyly Aýǵanstanda tálipter bılikke kelgeli beri buqaralyq aqparat quraldary men áleýmettik jelilerde qylmyskerlerdi ashyq jazalaǵany týraly kadrlar paıda boldy - olardy taıaqpen uryp-soqqan. Talıban polısıasy sondaı-aq tutqyndaý kezinde qaıtys bolǵan qylmyskerlerdiń máıitterin kópshilikke kórsetýde.