Oqty kim birinshi atqany belgisiz
Tálipter men ırandyq áskerıler Islam Respýblıkasynyń Aýǵanstanmen shekarasynda oq atysty. Saldarynan sarbazdar qaza tapty, jaraqat alǵandar bar, dep habarlaıdy Almaty-akshamy.kz.
Qaqtyǵys sýǵa talastan bolǵan. Oqty kim birinshi atqany belgisiz. Qos tarap birin-biri aıyptap otyr.
Oqıǵadan keıin Irannyń Belýjıstan men Aýǵanstannyń Nımroz aımaǵynda ornalasqan iri shekara beketi jabyldy, dep jazdy Zakon.kz.
Aýǵanstan ishki ister mınıstrliginiń baspasóz hatshysy Abdýl Nafı Takor Iran tarapy birinshi bolyp oq jaýdyrdy dep aıyptady.
Takor atys kezinde eki elden eki adam qaza tapqanyn aıtty, dep jazdy Al Jazeera.
"Qazir jaǵdaı baqylaýda. Islam ámirligi (Aýǵanstan) kórshilerimen soǵysqysy kelmeıdi", - dedi baspasóz hatshysy.
Keıin IRNA agenttigi eki ırandyq shekarashynyń qaza tapqanyn jáne eki ırandyq beıbit turǵynnyń jaralanǵanyn habarlady.