Aýǵanstan óndirgen halyqaralyq básekege qabiletti álemdegi alǵashqy otandyq sporttyq avtokólik Mada 9 dep atalady jáne ol Katarda kórmege qoıylady.
Entop avtomobıl dızaıny kompanıasynyń qyzmetkeri jáne ınjener-jasaýshy Mýhammad Rıza Ahmadıdiń aıtýynsha, Mada 9-dy Aýǵanstannyń aqparattyq tehnologıalar mınıstrligi men Aýǵanstannyń ınovasıa ortalyǵynyń qarjylaı qoldaýymen jáne yqpalymen bes jyl boıy 30 adamnan quralǵan top «Naývarı» tehnıkalyq jáne kásiptik bilim ortalyǵynda jasap shyǵarǵan, dep habarlaıdy Almaty-akshamy.kz QazAqparatqa silteme jasap.
Bul kólikti jasaý úshin Ahmadı «Toyota Corolla» kóliginiń qozǵaltqyshyn paıdalanǵan, ony jarysta qoldanar aldynda jańartý qajet.
Ahmadı onyń ónertabysy Katardaǵy Doha Expo 2023 kórmesinde tanystyrylady dep úmittenip otyr.
Ol kólikke kóptegen usynystar alǵanyn, biraq kólik satylmaıtynyn atap ótti. Onyń baǵalaýynsha, mashına halyqaralyq básekege qabiletti.
«Bul mashınanyń ereksheligi - Aýǵanstanda jasalǵan jáne álemde basqa mundaı mashına joq deýge bolady. Aýǵanstan soǵyspen, qaqtyǵystarmen jáne kedeılikpen tanymal el boldy, biraq endi munda osyndaı dúnıeler de bar, - dedi ol. – Ekinshiden, onyń dızaıny biregeı, úshinshiden, avtomobıl myqty jáne jeńil».
«Avtokólikti satyp alýǵa degen qyzyǵýshylyq ulttyq jáne halyqaralyq deńgeıde barshylyq, biraq biz alatyn usynystar standartty emes. Biz ony halyqaralyq naryqtaǵy báseke úshin shyǵardyq jáne tıisti usynystar bolady dep úmittenemiz», - dedi Ahmadı.
Aýǵanstannyń kásiptik-tehnıkalyq bilim jáne ınovasıalar ortalyǵynyń dırektory Mavlavı Gýlam Haıdar Shahamattyń aıtýynsha, avtomobıldiń sýretteri ınternette taraǵan.
Onyń Aýǵanstanda shyǵarylǵanyn estigen álem tań-tamasha bolǵan kórinedi.
Kólik áli tolyq jasalyp bitken joq jáne ol eldiń búkil provınsıalarynda tanystyrylady dep boljanyp otyr.
Sportkar alǵash ret 2022 jyldyń jeltoqsanynda alǵashqy qar jaýǵanda kórsetildi.
Áleýmettik jelilerde sporttyq kólikke «Býgattıdiń ulttyq balamasy» degen ataý berildi.