Tashkentte «Aýǵanstan: qaýipsizdik jáne ekonomıkalyq damý» dep atalatyn halyqaralyq konferensıa ótip jatyr.
«Talıban» úkimeti Aýǵanstannyń aýmaǵyn terorıstik uıymdardyń paıdalanbaıtynyna kepildik beredi. Talıban úkimetiniń Syrtqy ister mınıstriniń mindetin atqarýshy Amırhan Mýttakı Tashkenttegi halyqaralyq konferensıada sóılegen sózinde osyndaı málimdeme jasady, dep habarlaıdy Almaty-akshamy.kz Inbusiness.kz silteme jasap.
«Aýǵanstan aımaqtaǵy turaqsyzdyqtyń besigine aınalmaıdy, basshylyq el aýmaǵyn Al-Kaıda men basqa da terorıstik uıymdardyń paıdalanbaıtynyna kepildik beredi», – dedi Mýttakı.
Onyń aıtýynsha, Aýǵanstannyń qazirgi maqsaty álemniń barlyq elderimen dıplomatıalyq qarym-qatynas ornatý bolyp tabylady.
Mýttakı eldiń negizgi baǵyty ekonomıkalyq damý, sondaı-aq Aýǵanstandy Ortalyq jáne Ońtústik Azıany damytý habyna aınaldyrý ekenin atap ótti.
Tashkentte ótip jatqan «Aýǵanstan: qaýipsizdik jáne ekonomıkalyq damý dep atalatyn halyqaralyq konferensıaǵa álemniń 20-dan astam elinen delegasıalar keldi. Olardyń qatarynda Qazaqstan da bar.