Ásirese, Almaty qalasynda osy problema ózekti bolyp tur.
Jaqynda qala saıabaqtarynda elektrosamokatpen júrýge tyıym salyndy, dep habarlaıdy Almaty-akshamy.kz
İshki ister mınıstrligi elektrosamokatqa qatysty tehnıkalyq talaptardan keıin taǵy qandaı erejeler engiziletinin túsindirdi.
Barlyq ózgeris memlekettik organdarda talqylanady. Qoǵam talqysyna da shyǵarylady.
1 shildeden bastap Qazaqstanda elektrosamokattardyń tehnıkalyq sıpattamasyn anyqtaıtyn ulttyq standart kúshine engen bolatyn. Atap aıtqanda, standartta elektrsamokattyń anyqtamasy jáne ony qoldaný tártibi jazylǵan.
«Ulttyq standartta elektrosamokatty satý, oǵan kýálik alý, sondaı-aq, samokattyń túrleri kórsetilgen. Standart qabyldanǵan ýaqyttan bastap bir jyl ishinde «Jol qozǵalysy týraly» zańǵa ózgerister men túzetýler engiziledi», - deıdi ákimshilik polısıa komıteti tóraǵasynyń orynbasary Jandos Muratálıev.
Onyń aıtýynsha, zańda elektrosamokat júrgizýshisiniń quqyqtyq statýsy bekitiledi. Naqty mindetteri men quqyqtary da aıqyndalady.
«Elektrosamokattardy basqarý úshin júrgizýshi kýáligi talap etilmeıdi. Biraq, eger samokat júrgizýshisi jolǵa, velosıped jolaǵyna jáne trotýarǵa shyǵatyn bolsa, mindetti túrde kem degende 16 jasta bolýy kerek. Sondaı-aq, elektrosamokatta far jaryǵy bolýy shart. Sonda túnde kórinip turady», – dedi Muratálıev.
Barlyq ózgeris memlekettik organdarda talqylanady. Qoǵam talqysyna da shyǵarylady.
Aıta keteri, elektrosamokattar máselesi burynnan beri talqylanyp jatyr. Ásirese, Almaty qalasynda osy problema ózekti bolyp tur. Óıtkeni jaz shyqqanda kóbisi samokatpen júredi. Jaqynda qala saıabaqtarynda elektrosamokatpen júrýge tyıym salyndy.