Áýezov aýdanyn abattandyrý bizdiń basty nazarymyzda - Dosaev
Búgin Almaty ákimi Erbolat Dosaev Áýezov aýdany turǵyndarymen kezdesti, dep habarlaıdy Almaty-akshamy.kz
Aýla aýmaqtaryn kúrdeli jóndeý aıasynda aýdandaǵy 161 aýlada qurylys-montajdaý jumystary júrgizilýde. Búgingi tańda 118 aýlada jumystar aıaqtaldy, qalǵan 43 aýla osy jyldyń qarasha aıynyń sońyna deıin aıaqtalady (19 aýla (9,10, Jetisý-1 shaǵyn aýdandary) qazan aıynda jáne 24 aýla (7,12 shaǵyn aýdany) – qarasha aıynda).
Sonymen qatar, 58 aýlada aǵymdaǵy jóndeý jumystary bastaldy (1,2, Aksaı-1,2,3B,4 shaǵyn aýdany, merdiger – «GSA» JSHS). Tolyq aıaqtalýy bıylǵy jyldyń qazan aıynyń sońyna josparlanýda.
«Turǵyn úı-kommýnaldyq sharýashylyqty jańǵyrtý baǵdarlamasy aıasynda 12 úıde shatyr men ınjenerlik jeliler jóndeldi. 10 úıdegi 15 lıft aýystyryldy. Qalǵan 15 úıdi jóndeý jáne 17 úıdegi 70 lıftini aýystyrý osy jyldyń qarasha aıynyń sońynda aıaqtalady.
Qoǵamdyq keńistikterdi odan ári damytý maqsatynda Aqsaı-4 shaǵyn aýdanyndaǵy skverdi abattandyrýdy josparlap otyrmyz (22,2 mln. tg. bólindi). Jobalaý-smetalyq qujattama memlekettik saraptamadan osy jyldyń qarasha aıynda shyǵady dep kútilýde. Sondaı-aq, 11 qoǵamdyq keńistik boıynsha jobalaý-smetalyq qujattamany ázirleý aıaqtalýda. Memlekettik saraptama osy jyldyń qazan aıynda shyǵady dep kútilýde. Qurylys-montajdaý jumystary 2024 jyldyń II-shi toqsanynda bastalyp, IV toqsanda aıaqtalady», - dedi qala ákimi Erbolat Dosaev.
Anyqtama úshin: 11 jobanyń ishinde turǵyndarǵa arnalǵan sport alańdaryn, aǵa býynǵa arnalǵan trenajer snarádtaryn salý, Jetisý-1 jáne 3 shaǵyn aýdandarynda kógaldandyrý men oryndyqtar ornatýdy kózdeıtin joba bar.