Mektep tapshylyǵyn azaıtý ákimdiktiń erekshe baqylaýynda.
«Jaıly mektep» ulttyq jobasy aıasynda buzylǵan №97 mekteptiń ornynda 600 oryndyq jańa mekteptiń qurylysy bastaldy, dep habarlaıdy Almaty-akshamy.kz
Qurylysty 2024 jyldyń sońyna deıin aıaqtaýdy josparlap otyrmyz.
№72 mektepti buzyp, qýaty 1200 orynǵa jetetin (qýaty 380-den 1200 orynǵa deıin ulǵaıtý) jańa ǵımarat salý úshin osy jyldyń sońyna deıin 5 jer ýchaskesin satyp alý, 10 ýchaskeni qosý arqyly mekteptiń qazirgi aýmaǵyn keńeıtý josparlanýda (Problemalyq kredıtter qory 10 ýchaskeni Memlekettik aktıvter basqarmasyna berdi, 5 ýchaskeni satyp alý aıaqtalǵannan keıin Jer qatynastary basqarmasynyń jelisi boıynsha ýchaskeler 1 memlekettik aktige biriktiriledi). Jobalaý-smetalyq qujattamany ázirleý 2024 jyldyń I-shi toqsanynda bastalady.
Sondaı-aq 2024 jyldyń I-shi toqsanynda «Everest Development» kompanıasy №104 mektepke (2-shaǵyn aýdan, 59-úı) 400 oqýshy oryndyq qosymsha qurylys salýdy bastaıdy.
2 mektepti buzyp (№13 mektep-gımnazıa, 860 oryn; №158 mektep, 620 oryn), olardyń ornynda árqaısysy 1 200 oqýshy ornyn quraıtyn 2 jańa mektep salý (barlyǵy 2400 oryn) máselesi pysyqtalýda. Bıylǵy jyldyń sońyna deıin jobalaý-smetalyq qujattamany ázirleýge kirisýdi josparlap otyrmyz.
Taldaý qorytyndysy boıynsha 2 mektep anyqtaldy, olarǵa 700 oqýshy oryndyq qosymsha qurylys salýdy josparlap otyrmyz.
№ 1 mektep boıynsha 400 oryndyq qosymsha qurylystyń jobalaý-smetalyq qujattamasy 2024 jyldyń I-shi toqsanynda bastalyp, qazan aıynda aıaqtalady.
№42 mektep boıynsha 300 oryndyq qosymsha qurylystyń jobalaý-smetalyq qujattamasy shilde aıynda bastaldy. Memlekettik saraptamadan keıin 2024 jyldyń mamyr aıynda aıaqtalady dep josparlanýda.
Budan basqa «Taýgúl-3» shaǵyn aýdanynda 350 oryndyq «Zerdesh» jeke menshik mektebin ashý úshin ǵımaratty rekonstrýksıalaý jumystary júrgizilýde. Jumystardy qarasha aıynda aıaqtaý josparlanýda.
Sondaı-aq №141 jáne №127 mektepterdi seısmıkalyq kúsheıtip, kúrdeli jóndeý aıaqtaldy.