Áýezov aýdanynda ortalyqsyzdandyrý aıasynda 2023 jyly 12 kósheniń joly jóndeldi
2023 jyly Áýezov aýdanynyń aýdanynda jalpy uzyndyǵy 11,4 km bolatyn 12 kóshe men ótpeli joldar jóndeldi. Bul týraly Almatynyń Óńirlik komýnıkasıalar qyzmeti alańynda Áýezov aýdanynyń ákimi Abzal Egemberdıev habarlady,
Osy jumysty jalǵastyrý maqsatynda 2024 jyly 32 kóshe men ótpeli joldardy ortasha jóndeýge ótinim joldandy.
«Bıyl ortalyqsyzdandyrý aıasynda joldardy aǵymdaǵy jóndeý boıynsha fýnksıa bizge berildi. Búgingi tańda jasalǵan jumystardyń jalpy aýdany 52 myń sharshy metrden asady, bul ótken kezeńmen salystyrǵanda 2 ese kóp», - dep atap ótti Áýezov aýdanynyń ákimi Abzal Egemberdıev.
Sonymen birge, ol aǵymdaǵy jóndeý aıasynda 1300-den astam aýmaqty qamtylǵanyn atap ótti, oǵan 45 magıstraldyq kóshe men jeke sektordaǵy kósheler, sondaı-aq 4 shaǵyn aýdandaǵy ótpeli joldar men aýlaishilik joldar kiredi. Bul ótken jyldyń osy kezeńimen salystyrǵanda 2,5 ese kóp. Bıyl 200 lúkti aýystyrý aıaqtalady.
Budan basqa, uzyndyǵy 4,5 km Tóle bı kóshesine aıryq jol jasaý jumystary júrgizilýde, onyń ishinde: Áýezov aýdany boıynsha 2,2 km. Jumystardy aıaqtaýdyń josparlanǵan merzimi - 2025 jylǵy jeltoqsan.
Sondaı-aq, Jubanov kóshesinde uzyndyǵy 1,2 km bolatyn jol aıryǵyn 2024 jyly bastap 2026 jyly aıaqtaý josparlanýda.
Sonymen qatar, jalpy aýdany 18 myń sh.m. tehnıkalyq trotýarlar jasaý aıaqtalýda. Bul tehnıkalyq trotýarlar magıstraldyq kósheler boıymen, sondaı-aq turǵyndardyń ózderi salǵan «joldar» dep atalatyn aýmaqtarda jabdyqtalady.
