Áýezov aýdanynyń Dostyq, Mamyr-4 jáne burynǵy baý-baqsha qoǵamdastyqtarynda ınjenerlik jeliler jańǵyrtylýda
Júrgizilgen ortalyqsyzdandyrýdyń oń nátıjeleri jáne ınjenerlik jelilerdi damytý boıynsha jobalar týraly Áýezov aýdanynyń ákimi Abzal Egemberdıev ÓKQ brıfıńinde baıandady.
Búgingi tańda aýdanda sýmen jabdyqtaý jáne sý burý jelilerin jańartý talap etiletin 4 problemalyq aýmaq boıynsha jobalar josparlanyp, iske asyrylýda. Osy ýchaskelerdegi sý qubyry jáne káriz jelileri 1960-1970 jyldary salynǵanyn eskersek, olardyń 90% tozǵan.
Birinshi aýmaq Dostyq shaǵyn aýdanynda káriz jelilerin salý jumystary 2023 jyldyń İİİ toqsanynda bastaldy, jalpy uzyndyǵy 13,7 km., 759 jeke úı men 3650 turǵyn qamtyldy. Jobany 2024 jyldyń sońyna deıin aıaqtaý josparlanýda.
Ekinshi aýmaq burynǵy úsh «Vosqod», «Sadovod», «Ardager» baý-baqsha seriktestikteriniń barlyq 8 kóshesinde 2023 jyldyń İİİ toqsanynda jalpy uzyndyǵy 5,2 km, 117 jeke úıdi qamtıtyn sýmen jabdyqtaý jáne sý burý jelilerin salý jumystary bastaldy. Bul jumystar bıylǵy jyl sońynda aıaqtalady.
Úshinshi aýmaq «Mamyr-4» shaǵyn aýdanyndaǵy 197 úıdi jáne 750 turǵyndy qamtı otyryp, uzyndyǵy 12,3 km sýmen jabdyqtaý jáne sý burý jelilerin tóseý jumystaryn 2024 jyldyń İİ toqsanynda bastap, 2025 jyly aıaqtaýdy josparlanyp otyr.
Tórtinshi aýmaq «Saın-SHalápın-Jandosov-Qarǵaly ózeni» kósheleriniń alańynda jalpy uzyndyǵy 42 km, 700 úıdi qamtıtyn sýmen jabdyqtaý jáne sý burý qurylysy boıynsha JSQ ázirleý aıaqtalýda. Bul jumystardy 2024 jyldyń İİ toqsanynda bastaýdy josparlanyp otyr.
Bul jobalardy iske asyrý barlyq 4 aýmaq boıynsha 11 myńnan astam turǵyndy sapaly sýmen jáne káriz júıesimen qamtamasyz etýge múmkindik beredi.
Budan basqa, «Almaty sý» jelisi boıynsha Saın kóshesiniń Shalápın kóshesinen Abaı dańǵylyna deıingi aýmaqta sý qubyry jelilerin qaıta jańartý aıaqtaldy, jalpy uzyndyǵy 0,9 km. Ulyqbek dańǵylynyń (ońtústik jáne soltústik jaǵy) 2 bóliginde, Saın kóshelerinen Momyshuly kóshelerine deıin, jalpy uzyndyǵy 2,5 km jáne Tóle bı kóshelerine deıin, Saın kóshesinen Momyshuly kóshesine deıin, uzyndyǵy 1 km jumys jalǵasýda.
Osy aýmaqtardaǵy qaıta jańartý jumystary Jetisý jáne Aqsaı shaǵyn aýdandarynyń turǵyndaryn úzdiksiz sýmen jabdyqtaýdy jaqsartýǵa múmkindik beredi. Jumystardy aǵymdaǵy jyldyń sońyna deıin aıaqtaý josparlanýda.