Densaýlyq saqtaý
Búgin Almaty ákimi Erbolat Dosaev Áýezov aýdany turǵyndarymen kezdesti, dep habarlaıdy Almaty-akshamy.kz.
Kezdesýde jańadan salynyp jatqan áleýmettik nysandar jaıy da sóz boldy.
«Aldyńǵy kezdesýlerde aıtqanymdaı, 18-shi emhanaǵa adamdar shamadan tys kóp tirkelgen.
Osy emhana júktemesin azaıtý úshin "Mamyr-1" shaǵynaýdanynda bir aýysymda 200 adamdy qabyldaıtyn otbasylyq-dárigerlik ambýlatorıa salynýda. Búginde jumystardyń 35%-y aıaqtaldy, qurylysty 2023 jyldyń I toqsanynda bitirý josparlanǵan», - dedi qala ákimi E.Dosaev.
Sondaı-aq "Qýanysh" yqshamaýdanynda bir aýysymda 300 adam qabyldaıtyn №18 emhananyń negizgi ǵımaratyn salý jumystary júrgizilýde. Jýyrda satyp alý úshin jer ýchaskesiniń baǵasy shyǵady, endigi másele – qunyn jerdiń ıesimen kelisý qajet.