Jyl sońynda qalada ıtterdi ustaýdyń jáne serýendeýdiń biryńǵaı erejeleri qabyldanady, dep habarlaıdy Almaty-akshamy.kz.
«10-11-shi shaǵyn aýdandarda jaryq jetkiliksiz. Mektepten kelgen balalardy qarsy alý kerek, óıtkeni keshke qaraı kóshe qarańǵy, qańǵybas ıtter kóp. Iesiz ıtterge qatysty máseleni sheship berseńiz», - dedi aýdan turǵyny.
– 11-shi shaǵynaýdanda aýlalardy kúrdeli jóndeý jumystary aıaqtalýda. Barlyq qajetti jumystar aıaqtalǵannan keıin jaryqtandyrý qalpyna keltiriledi. Qańǵybas ıtter máselesi shynynda da kúrdeli. Itterdiń adamdarǵa shabýyl jasaý jaǵdaılary, ókinishke oraı, jıilep ketti. Qalaǵa ıtterdi ustaýdyń jáne serýendeýdiń biryńǵaı erejeleri qajet. Janýarlardy aýlaýǵa qatysty ákimdik máslıhatqa usynys engizbekshi. Atalǵan qujat jyl sońyna deıin qabyldanyp, jańa jyldan bastap mundaı máseleler bolmaıdy dep senemiz, – dep jaýap berdi qala ákimi.