Búginde 30 aýlada qurylys-montajdaý jumystary júrgizilip jatyr.
Almaty qalasy Áýezov aýdanynyń ákimi Saıran Saıfedenov Óńirlik komýnıkasıalar qyzmetiniń brıfıńi barysynda jergilikti atqarýshy organdardyń kúshimen jaıly qalalyq orta qurylyp, «Halyq qatysatyn búdjet» baǵdarlamasy iske asyrylyp jatqany týraly aıtyp berdi.
«Aýdan turǵyndaryn tolǵandyratyn máselelerdiń biri qoǵamdyq keńistikterdi, sondaı-aq aýla aýmaqtaryn abattandyrý jáne damytý bolyp tabylady. Bul baǵytta turǵyndardyń ómir súrýine, aýdandy kógaldandyrýǵa jaıly jáne qolaıly orta qurý boıynsha keshendi sharalar júrgizý jalǵasýda», - dedi aýdan ákimi S.Saıfedenov.
Aýdanda 966 aýla alańy bar (847 alań abattandyrýǵa jatady), onyń 656 alańy jóndeldi. 2022 jyldyń sońyna deıin 191 aýla aýmaǵyn kúrdeli jóndeýdi aıaqtaý josparlanyp otyr. Búginde 9 jáne 11 shaǵynaýdanyndardaǵy 30 aýlada qurylys-montajdaý jumystary júrgizilýde, olar aǵymdaǵy jyldyń qyrkúıek aıynda aıaqtalady.
Qalǵan shaǵynaýdandar boıynsha (7,8,10,12, "Jetisý–1,2,3,4"), bul 161 aýla konkýrstyq is-sharalardyń nátıjeleri kútilýde.
«Halyq qatysatyn búdjet» aıasynda 2022 jyly barlyq iriktelgen 23 joba boıynsha 800 mln. teńge somasyna qurylys-montajdaý jumystary júrgizilýde. Barlyq jobalardy júzege asyrý aǵymdaǵy jyldyń 1 qyrkúıegine deıin aıaqtalady. Eske salsaq, kelesi jyly turǵyndardan 163 ótinish túsken. Qazir olar aǵymdaǵy jyldyń 29 tamyzyna deıin jalǵasatyn qaraý satysynda», - dep aıtty S. Saıfedenov.
«Halyq únine qulaq asatyn memleket» tujyrymdamasy aıasynda turǵyndardyń usynysyna sáıkes, qala ákimi E. Dosaevtyń tapsyrmasy boıynsha qarjylandyrý bólindi jáne búgingi kúni shaǵynaýdanda saıabaqty abattandyrý jumystary júrgizilýde. "Aqsaı-2" shaǵynaýdanyndaǵy barlyq jumystardy osy jyldyń qazan aıynda aıaqtaý josparlanyp otyr.
Áýezov aýdanynyń ákimi 2023-2024 jyldarǵa arnalǵan abattandyrý jospary týraly da aıtyp berdi.
«Bizdiń turǵyndardyń bastamasy boıynsha Altynsarın dańǵylyn qaıta jańartý josparlanýda. Búgingi kúni aýdannyń 6 magıstraldy kósheleri, onyń ishinde Altynsarın dańǵyly boıynsha jaıaý júrginshiler keńistigin qaıta qurý boıynsha JSQ ázirlenýde», - dep jalǵastyrdy aýdan ákimi.
Olar myna mekenjaılarda paıda bolady:
- Abaı dańǵyly, Almaty ózeninen Momyshuly kóshesine deıin;
- Altynsarın dańǵyly, Jandosov kóshesinen Qabdolov kóshesine deıin;
- Tóle bı kóshesi, Saıran kólinen Iassaýı kóshesine deıin;
- Jandosov kóshesi, Almaty ózeninen Saın kóshesine deıin;
- Momyshuly kóshesi, Shalápın kóshesinen Tóle bı kóshesine deıin;
- Saın kóshesi, Abaı dańǵylynan Tóle bı kóshesine deıin.
Memlekettik saraptamadan ótkennen keıin, 2023 jyldyń sońynda qurylys-montaj jumystaryn bastaý josparlanýda.
Aǵymdaǵy jyldyń qyrkúıegine deıin eki qoǵamdyq keńistikti abattandyrý boıynsha JSQ ázirleýge konkýrstyq is-sharalardy aıaqtaımyz: shaǵynaýdandaǵy jaıaý júrginshiler aımaǵy, "Mamyr-1" jáne "Aqsaı-4" shaǵynaýdandaryndaǵy skver.
«Taýgúl» shaǵynaýdanynda qoǵamdyq oryndardyń jetispeýshiligin eskere otyryp, 2023 jyly kólik qozǵalysyn shekteý arqyly Shalov býlvaryn zamanaýı jaıaý júrginshiler aımaǵyna aınaldyrýdy bastaımyz. Aǵymdaǵy jyldyń sońyna deıin memlekettik saraptamadan ótip, jobalyq-smetalyq qujattamany ázirleý aıaqtalady», - dep tolyqtyrdy S. Saıfedenov.
Sondaı-aq, aýdanda qala turǵyndarynyń súıikti demalys oryndarynyń biri bolyp qala beretin Saıran kóli ornalasqan. Búginde Saıran sý qoımasynyń túbin mehanıkalyq tazalaý boıynsha jobalyq-smetalyq qujattama ázirlendi, tazalaý jumystaryn aǵymdaǵy jyldyń aıaǵynda bastaý josparlanýda.
Saıran kólin irgeles aýmaqty abattandyrýmen transformasıalaý úshin jobalyq-smetalyq qujattama ázirlenýde. 2023 jyldyń II toqsanynda ıgerý aıaqtalǵannan keıin jóndeý jumystary bastalady.
Aýdan ákimi kógaldandyrý suraqtaryna bólek toqtaldy. Bıyl aýdan boıynsha 1146 túp aǵash kósheti otyrǵyzyldy. 2000 aǵashqa sanıtarlyq kesý jumystary júrgizildi, 150 apatty aǵashtar joıyldy.