Sońǵy jyldary avıasıalyq qaýipsizdikke qatysty talaptar kúsheıip keledi.
Áýejaıda nemese ushaq bortynda qaýipsizdikke baılanysty kez kelgen orynsyz sóz – ázil túrinde bolsa da – qater kózi retinde qabyldanady, dep habarlaıdy aqshamnews.kz.
Mysaly, «jarylǵysh zat bar», «bomba salyp qoıdym», «qarý alyp keldim» degen sekildi tirkester — eskertý retinde qabyldanyp, dereý tótenshe áreket etý sharalaryn talap etedi. Bul reıstiń keshigýine, jolaýshylar men júkke tolyq tekseris júrgizýge, tipti ushýlardyń ýaqytsha toqtaýyna ákep soǵýy múmkin.
Mundaı «ázilder» zań aldynda jaýapqa tartýǵa sebep bolady. Qazaqstan Respýblıkasynyń qoldanystaǵy zańnamasyna sáıkes, jalǵan terorızm týraly habarlama nemese qoǵamdyq qaýipsizdikke qaýip tóndirý — qylmystyq jaýapkershilikke ákep soǵady.
Qaýipsizdik saqtaý úshin este saqtańyz:
• Áýejaıda jáne ushaqta qaýip, jarylǵysh zattar, qarý-jaraq týraly sózderdi múldem qoldanbańyz
• Balalaryńyz ben jasóspirimderge mundaı «ázilderdiń» saldaryn túsindirińiz
• Kúmándi jaǵdaı baıqasańyz, dereý tıisti qyzmetke habarlańyz
Sizdiń sózderińiz — basqa adamdardyń qaýipsizdigine tikeleı áser etedi.
Qoǵamdyq orynda jaýapkershilikpen áreket etińiz.