FlyArystan jáne AirAstana áýe kompanıalary jolaýshylarǵa aýa raıynyń qolaısyzdyǵyna baılanysty birqatar reıstiń toqtatylatyny týraly habarlama jasady, - dep habarlaıdy
FlyArystan aýa raıynyń qolaısyzdyǵyna jáne Oral áýejaıynyń ushý-qoný jolaǵyndaǵy úıkelis koefısıentiniń nasharlaýyna baılanysty myna reısterdi toqtatady.Almaty-akshamy.kz.
- KC7365 Astana - Oral;
- KS7366 Oral - Astana;
- KC7165 Almaty - Oral;
- KS7166 Oral - Almaty.
"Toqtatylǵan reısterdiń jolaýshylaryna suranys boıynsha kelesi qyzmetter kórsetiledi: sýsyndar, tamaqtaný, turý, transfer. Barlyq jolaýshyǵa tegin qaıta brondaý múmkin nemese aqshasy tolyq qaıtarylady", - delingen habarlamada.
Jolaýshylarǵa FlyArystan qoldanbasynda jáne flyarystan.com saıtynda tikeleı chat arqyly, 8 702 702 02 27 WhatsApp messendjeri jáne 8 727 331-10-10 baılanys ortalyǵy arqyly qoldaý kórsetiledi.
23 qarashada "Eır Astana" Oral - Frankfýrt - Oral jáne Oral - Astana baǵyttary boıynsha reısterdi, sondaı-aq Almatydan Oralǵa jáne keri reısterdi toqtatty.
Oǵan da aýa raıynyń qolaısyzdyǵy men áýejaıdyń ushý-qoný jolaǵyndaǵy úıkelis koefısıentiniń nasharlaýy sebep boldy.
"Toqtatylǵan reısterdiń jolaýshylaryna tamaq, tegin qaıta brondaý nemese bıletti qaıtarý qamtamasyz etildi. Oraldan Astanaǵa ushatyndar jatyn orynmen, tamaqpen jáne transfermen qamtamasyz etildi", - dep habarlady áýe kompanıasy.