Olardyń deni otbasy-turmystyq qatynastarǵa qatysty.
Jergilikti polısıa qyzmetiniń málimetinshe, “Quqyqtyq tártip” keń aýqymdy jedel aldyn alý is-sharasynyń tórt kúniniń ishinde polısıanyń aldyńǵy saptaǵy jáne jedel bólimsheleri “izin sýytpaı” 82 qylmystyń betin ashty, onyń toǵyzy qoǵamdyq oryndarda jasalǵan, al 39-y buryn jasalǵan qylmys, dep habarlaıdy Almaty-akshamy.kz Polisia.kz-ke silteme jasap.
Sonymen qatar 7202 ákimshilik quqyq buzýshylyq anyqtalyp, joly kesildi. Atap aıtqanda: 184 usaq buzaqylyq, 748 alkogóldik ishimdikter ishý deregi, 257 – tynyshtyqty buzý, 238 kámeletke tolmaǵan balalardyń túngi ýaqytta eresek adamdardyń erip júrýinsiz júrýi, 1900 tirkeýsiz turý deregi, 18 qasaqana bóten bireýdiń múlkine zıan keltirý, 867 qoǵamdyq paıdalaný oryndaryn lastaý deregi jáne t.b. Sonymen qatar olar qala joldarynda mas kúıinde ustalyp, kólik júrgizý quqyǵynan aıyryldy.
Esterińizge sala keteıik, quqyq buzýshylyqqa múldem tózbeýshilik qaǵıdatyn nyǵaıtý, kóshelerde jáne basqa da qoǵamdyq oryndarda tıisti qoǵamdyq tártipti saqtaý maqsatynda 20-30 qarasha aralyǵynda qalada “Quqyqtyq tártip” jalpyrespýblıkalyq jedel aldyn alý is-sharasy ótkizilýde. Ol vandalızm derekterin, múliktik zalal keltirýdi, usaq buzaqylyqty, jol qozǵalysy qaýipsizdigi salasyndaǵy buzýshylyqtardy anyqtaý jáne jolyn kesýge, sondaı-aq turmystyq zorlyq-zombylyq, onyń ishinde kámeletke tolmaǵandarǵa qatysty quqyq buzýshylyqtardyń aldyn alýǵa baǵyttalǵan.